Azo amakiana sy ianarana Baiboly koa ny JW Library.

Araho ireto toromarika ireto mba hahafahanao handika sy hampiasa Baiboly:

•  Handika Baiboly

•  Hanafoana Baiboly

•  Handika Baiboly nohavaozina

Afaka mandika izay Baiboly tianao ianao. Azonao vakina sy ianarana izy ireny avy eo, na dia tsy misy Internet aza.

• Akisaho miankavanana ny eo amin’ny sisiny ankavia, dia tsindrio ilay hoe Bible. Hiseho ny boky rehetra ao amin’ny Baiboly.

• Tsindrio ilay hoe Langues raha hijery ny lisitry ny Baiboly rehetra misy ianao. Izay Baiboly ampiasainao matetika no miseho voalohany eo amin’ilay lisitra. Azonao atao koa ny mikaroka Baiboly iray, ka manoratra kely fotsiny ianao, ohatra hoe “int” raha hitady ilay Baiboly hoe Kingdom Interlinear amin’ny teny anglisy, na hoe “port”, raha hikaroka ny Baiboly rehetra amin’ny teny portogey.

• Misy an’ilay sarina rahona kely izay Baiboly mbola tsy nadikanao. Tsindrio izay Baiboly tianao hadika. Tsy miseho intsony ilay sarina rahona kely rehefa tafiditra ao amin’ny fitaovanao ilay Baiboly. Tsindrio indray ilay Baiboly raha tianao hovakina.

Raha tsy hitanao ny Baiboly tadiavinao, dia jereo indray rehefa any aoriana. Mety hisy Baiboly hafa hampidirina mantsy, rehefa azo atao izany.

Azonao foanana izay Baiboly nadikanao nefa tsy ilainao intsony, na koa mitana toerana be ao amin’ny fitaovanao.

Akisaho miankavanana ny eo amin’ny sisiny ankavia, dia tsindrio ilay hoe Bible. Tsindrio avy eo ilay hoe Langues dia hiseho ny boky rehetra ao amin’ny Baiboly. Tsindrio ilay teboka telo eo ankavanan’izay Baiboly tianao hofoanana, ary avy eo ilay hoe Supprimer.

Mety hisy fanavaozana indraindray ny Baiboly efa nadikanao.