ഇണയുടെ കൈത്താങ്ങ്‌ ഇല്ലാത്ത​വർക്ക്‌ ഒരുകൈ സഹായം!

ഇണയുടെ കൈത്താ​ങ്ങി​ല്ലാ​തെ കുടും​ബ​ഭാ​രം ഒറ്റയ്‌ക്ക്‌ ചുമ​ക്കേ​ണ്ടി​വ​രുക. ഇത്ര ശ്രമക​ര​മായ മറ്റൊരു ഉത്തരവാ​ദി​ത്വം ഇല്ലെന്നു പറയാം. വീട്ടു​കാ​ര്യം, കുട്ടി​ക​ളു​ടെ കാര്യങ്ങൾ, എല്ലാം ഒറ്റയ്‌ക്ക്‌ ചെയ്യണം. എവി​ടെ​യും കണ്ണെത്തണം. ഇതിനി​ടെ കുടും​ബം പുലർത്താൻ ജോലി​ക്കും പോകണം. എല്ലാം​കൂ​ടി നിന്നു​തി​രി​യാൻ സമയമി​ല്ലാത്ത അവസ്ഥ! അപ്പോ​ഴാ​യി​രി​ക്കും കുട്ടി​ക​ളി​ലൊ​രാൾക്ക്‌ അസുഖം വരുന്നത്‌. ഉടനെ കുഞ്ഞി​നെ​യും​കൊണ്ട്‌ ആശുപ​ത്രി​യി​ലേക്ക്‌! ഇനി, കുട്ടി​ക​ളെ​യും​കൊണ്ട്‌ ഒരു യാത്ര​യ്‌ക്കോ സിനി​മ​യ്‌ക്കോ പോക​ണ​മെ​ങ്കി​ലോ? അതിനുള്ള ഏർപ്പാ​ടു​ക​ളും തനിച്ചു​തന്നെ ചെയ്യണം. ശ്വാസം​വി​ടാ​തെ​യുള്ള ഈ ഓട്ടത്തി​നി​ടെ സ്വന്തം കാര്യം നോക്കാൻ അൽപ്പം സമയം കിട്ടി​യാ​ലാ​യി.

അച്ഛന്റെ​യും അമ്മയു​ടെ​യും റോൾ ഒറ്റയ്‌ക്ക്‌ വഹിക്കുന്ന ഒട്ടേ​റെ​പ്പേ​രുണ്ട്‌ ഇന്നു സമൂഹ​ത്തിൽ. ഇവരുടെ നെടു​വീർപ്പു​കൾ ആരും അറിയാ​തെ പോകു​ന്നു എന്നതാണ്‌ ദുഃഖ​ക​ര​മായ വസ്‌തുത. “എനിക്ക്‌ ഈ അവസ്ഥ വന്നപ്പോ​ഴാണ്‌ അതിന്റെ വെല്ലു​വി​ളി ശരിക്കും മനസ്സി​ലാ​ക്കാൻ കഴിഞ്ഞത്‌” എന്ന്‌ ഒരു അമ്മ പറയുന്നു. ഇങ്ങനെ​യു​ള്ള​വ​രോട്‌ നാം പരിഗണന കാണി​ക്കേ​ണ്ടത്‌ എന്തു​കൊണ്ട്‌? എങ്ങനെ നമുക്ക്‌ അതു ചെയ്യാം?

പരിഗണന കാണി​ക്കേ​ണ്ട​തി​ന്റെ കാരണങ്ങൾ

ഇവരിൽ പലർക്കും പിന്തുണ ആവശ്യ​മാണ്‌. രണ്ടുമ​ക്ക​ളുള്ള 41-കാരി​യായ ഒരു വിധവ പറയുന്നു: “എന്തു ചെയ്യണ​മെന്ന്‌ അറിയാൻ വയ്യാത്ത അവസ്ഥയി​ലാ​യി​പ്പോ​കും ചില​പ്പോൾ ഞാൻ. പലപ്പോ​ഴും, ഉത്തരവാ​ദി​ത്വ​ങ്ങ​ളു​ടെ ചുമട്‌ തനിയെ എടുക്കാ​നാ​വി​ല്ലെന്ന്‌ തോന്നും.” “ആരെങ്കി​ലും ഞങ്ങളെ​യൊന്ന്‌ ആശ്വസി​പ്പി​ക്കാ​നു​ണ്ടാ​യി​രു​ന്നെ​ങ്കിൽ. . . ” മറ്റൊരമ്മ വിലപി​ക്കു​ന്നു. ഇവർ ജീവി​ത​ത്തു​രു​ത്തിൽ ഒറ്റപ്പെ​ട്ടു​പോ​യത്‌ പല കാരണ​ങ്ങൾകൊ​ണ്ടാ​കാം. നിനച്ചി​രി​ക്കാ​തെ വന്നുക​യ​റിയ വൈധ​വ്യ​മാ​കാം ഒരു കാരണം. ഇണ ഉപേക്ഷി​ച്ചു​പോ​യ​താ​കാം മറ്റു ചിലരെ ഒറ്റപ്പെ​ട​ലി​ന്റെ വേദന​യി​ലേക്ക്‌ തള്ളിവി​ട്ടത്‌.

അവരെ സഹായി​ക്കു​ന്നത്‌ നമുക്കു​തന്നെ സന്തോഷം നൽകും. ചിന്തി​ക്കുക: ഭാരിച്ച ഒരു ചുമട്‌ എടുക്കാൻ പാടു​പെ​ടു​ക​യാണ്‌ ഒരാൾ. നിങ്ങൾ ഓടി​ച്ചെന്ന്‌ അയാളെ സഹായി​ക്കു​ന്നു. അപ്പോൾ നിങ്ങൾക്കു​ണ്ടാ​കുന്ന വികാരം എന്തായി​രി​ക്കും? തീർച്ച​യാ​യും നിങ്ങൾക്ക്‌ ചാരി​താർഥ്യം തോന്നും! ഇണയുടെ പിന്തു​ണ​യി​ല്ലാത്ത ഒരു മാതാ​വിന്‌/പിതാ​വിന്‌ വഹിക്കാ​നു​ള്ള​തും ഭാരിച്ച ഒരു ചുമടാണ്‌. അവർക്ക്‌ സഹായ​ഹ​സ്‌തം നീട്ടു​മ്പോൾ നിങ്ങൾക്കും സന്തോ​ഷ​വും ചാരി​താർഥ്യ​വും തോന്നും. “എളിയ​വനെ ആദരി​ക്കു​ന്നവൻ ഭാഗ്യ​വാൻ” എന്ന്‌ സങ്കീർത്തനം 41:1 പറയുന്നു.

അത്‌ ദൈവത്തെ പ്രസാ​ദി​പ്പി​ക്കു​ന്നു. യാക്കോബ്‌ 1:27 പറയുന്നു: ‘നമ്മുടെ ദൈവ​വും പിതാ​വു​മാ​യ​വന്റെ ദൃഷ്ടി​യിൽ ശുദ്ധവും നിർമ​ല​വു​മായ ആരാധ​ന​യോ, അനാഥ​രെ​യും വിധവ​മാ​രെ​യും അവരുടെ കഷ്ടങ്ങളിൽ സംരക്ഷി​ക്കു​ന്നത്‌ ആകുന്നു.’ കുടും​ബ​ഭാ​രം ഒറ്റയ്‌ക്കു പേറു​ന്ന​വരെ സഹായി​ക്കു​ന്ന​തും ഇതിൽ ഉൾപ്പെ​ടു​ന്നു. a എബ്രായർ 13:16 ഇങ്ങനെ പറയുന്നു: “നന്മ ചെയ്യാ​നും നിങ്ങൾക്കു​ള്ളത്‌ മറ്റുള്ള​വ​രു​മാ​യി പങ്കു​വെ​ക്കാ​നും മറക്കരുത്‌. ഇങ്ങനെ​യുള്ള യാഗങ്ങ​ളി​ല​ല്ലോ ദൈവം പ്രസാ​ദി​ക്കു​ന്നത്‌.”

ഈ വസ്‌തു​തകൾ മനസ്സിൽപ്പി​ടി​ച്ചു​കൊണ്ട്‌ അവരെ സഹായി​ക്കാൻ പ്രാ​യോ​ഗി​ക​മാ​യി എന്തു ചെയ്യാ​നാ​കു​മെന്ന്‌ നമുക്കു നോക്കാം.

 ആവശ്യം അറിഞ്ഞു സഹായി​ക്കു​ക

“ഞാൻ എന്തു സഹായ​മാണ്‌ ചെയ്യേ​ണ്ടത്‌?” എന്ന്‌ അവരോ​ടു​തന്നെ ചോദി​ക്കു​ന്ന​തല്ലേ നല്ലത്‌ എന്നു നാം ചിന്തി​ച്ചേ​ക്കാം. പക്ഷേ അങ്ങനെ ചോദി​ച്ച​തു​കൊ​ണ്ടു​മാ​ത്രം ആരും തങ്ങളുടെ ആവശ്യം തുറന്നു പറഞ്ഞെ​ന്നു​വ​രില്ല. ‘എളിയ​വരെ ആദരി​ക്ക​ണ​മെന്ന്‌’ സങ്കീർത്തനം 41:1 പറഞ്ഞത്‌ ശ്രദ്ധി​ക്കുക. ഇവിടെ ‘ആദരി​ക്കുക’ എന്നതിന്റെ എബ്രായ പദത്തിന്‌ “നന്നായി ചിന്തിച്ച്‌ വേണ്ടവി​ധ​ത്തിൽ പെരു​മാ​റുക” എന്ന അർഥമു​ണ്ടെന്ന്‌ ഒരു പരാമർശ കൃതി പറയുന്നു.

അതു​കൊണ്ട്‌ ഒറ്റയ്‌ക്ക്‌ മക്കളെ വളർത്തി​ക്കൊ​ണ്ടു​വ​രുന്ന മാതാവ്‌/പിതാവ്‌ നേരി​ടുന്ന വെല്ലു​വി​ളി​കൾ എന്തൊ​ക്കെ​യാ​യി​രി​ക്കാം എന്നു ചിന്തി​ക്കുക. അപ്പോൾ വേണ്ട സഹായം നൽകാൻ നിങ്ങൾക്കു കഴിയും. കാര്യങ്ങൾ പുറ​മേ​നി​ന്നു വീക്ഷി​ക്കാ​തെ അവരുടെ യഥാർഥ അവസ്ഥ മനസ്സി​ലാ​ക്കാൻ ശ്രമി​ക്കുക. സ്വയം ചോദി​ക്കുക: ‘അവരുടെ സ്ഥാനത്ത്‌ ഞാനാ​യി​രു​ന്നെ​ങ്കിൽ, എന്തു സഹായ​മാ​യി​രി​ക്കും ഞാൻ പ്രതീ​ക്ഷി​ക്കുക?’ ‘ഞങ്ങളുടെ അവസ്ഥയി​ലുള്ള ഒരാൾക്കു​മാ​ത്രമേ ഞങ്ങളുടെ ബുദ്ധി​മു​ട്ടു​കൾ പൂർണ​മാ​യി മനസ്സി​ലാ​കൂ’ എന്ന്‌ അവരിൽ പലരും പറഞ്ഞേ​ക്കാം. അപ്പോ​ഴും അവരുടെ സാഹച​ര്യ​ങ്ങൾ മനസ്സി​ലാ​ക്കാൻ ശ്രമി​ക്കു​ന്നത്‌ അവരോട്‌ പരിഗണന കാണി​ക്കാൻ നിങ്ങളെ സഹായി​ക്കും.

ദൈവം ഉത്തമമാ​തൃ​ക

ഈ സാഹച​ര്യ​ത്തി​ലു​ള്ള​വരെ ഏറ്റവും നന്നായി മനസ്സി​ലാ​ക്കു​ക​യും സഹായി​ക്കു​ക​യും ചെയ്‌തി​ട്ടു​ള്ളത്‌ യഹോ​വ​ത​ന്നെ​യാണ്‌. വിധവ​മാ​രോ​ടും അനാഥ​രോ​ടും യഹോവ കരുണ കാണി​ച്ച​തി​നെ​ക്കു​റി​ച്ചുള്ള തിരു​വെ​ഴു​ത്തു വിവര​ണങ്ങൾ അതിനു തെളി​വാണ്‌. ഈ എളിയ​വ​രോട്‌ യഹോവ ഇടപെ​ട്ടത്‌ എങ്ങനെ​യാ​ണെന്നു മനസ്സി​ലാ​ക്കു​ന്നത്‌ തക്കസമ​യത്ത്‌ പ്രാ​യോ​ഗി​ക​മായ സഹായങ്ങൾ നൽകാൻ നമ്മെ പ്രാപ്‌ത​രാ​ക്കും. സഹായി​ക്കാൻ കഴിയുന്ന നാലു​വി​ധങ്ങൾ നമുക്ക്‌ ഇപ്പോൾ നോക്കാം.

നല്ല കേൾവി​ക്കാ​രാ​യി​രി​ക്കുക

പണ്ട്‌ ഇസ്രാ​യേ​ല്യർക്കു നൽകിയ ന്യായ​പ്ര​മാ​ണ​ത്തിൽ താൻ എളിയ​വ​രു​ടെ ‘നിലവി​ളി കേൾക്കും’ എന്ന്‌ യഹോവ ഉറപ്പു​നൽകി​യി​രു​ന്നു. (പുറപ്പാ​ടു 22:22, 23) ഇക്കാര്യ​ത്തിൽ നമുക്ക്‌ എങ്ങനെ യഹോ​വയെ അനുക​രി​ക്കാം? “കുട്ടികൾ ഉറങ്ങി​ക്ക​ഴി​ഞ്ഞാൽ ഞാൻ എന്റെ ലോകത്ത്‌ തനിച്ചാ​കും. ആ ഒറ്റപ്പെ​ട​ലി​ന്റെ വേദന പറഞ്ഞറി​യി​ക്കാ​നാ​വില്ല. മനസ്സിൽ കയറി​ക്കൂ​ടിയ വിഷാദം പിന്നെ അണപൊ​ട്ടി​യൊ​ഴു​കും,” ഒരമ്മ പരിത​പി​ക്കു​ന്നു. അതെ, ഈ അവസ്ഥയി​ലുള്ള ഒരു സ്‌ത്രീക്ക്‌/പുരു​ഷന്‌ മനസ്സു തുറക്കാൻ ആരെങ്കി​ലും കൂടിയേ തീരൂ. ഇങ്ങനെ​യൊ​രു വ്യക്തി​യു​ടെ ഹൃദയ​ത്തിൽനിന്ന്‌ ഉരുകി​യി​റ​ങ്ങുന്ന സങ്കടങ്ങൾ കേൾക്കാൻ നിങ്ങൾ മനസ്സു കാണി​ക്കു​മോ? അതു ചെയ്യാൻ നിങ്ങൾക്കാ​യാൽ ജീവി​ത​ഭാ​രം ഒറ്റയ്‌ക്കു പേറുന്ന ആ അമ്മയ്‌ക്ക്‌/അച്ഛന്‌ അത്‌ എത്ര വലിയ ആശ്വാ​സ​മാ​യി​രി​ക്കും! പക്ഷേ എതിർലിം​ഗ​ത്തിൽപ്പെട്ട ഒരാൾക്കാണ്‌ സഹായം നൽകു​ന്ന​തെ​ങ്കിൽ ഔചി​ത്യ​ത്തി​ന്റെ അതിർവ​ര​മ്പു​കൾ ലംഘി​ക്കാ​തി​രി​ക്കാൻ ശ്രദ്ധി​ക്കണം.

ആത്മധൈര്യം പകരുക

ആരാധ​നാ​വേ​ള​ക​ളിൽ ആലപി​ക്കാ​നാ​യി യഹോ​വ​യാം ദൈവം ഇസ്രാ​യേ​ല്യർക്ക്‌ ദിവ്യ​നി​ശ്വ​സ്‌ത​മായ ഒട്ടേറെ സങ്കീർത്ത​നങ്ങൾ നൽകി. അനാഥർക്കു “പിതാ​വും” വിധവ​മാ​രു​ടെ “ന്യായ​പാ​ല​ക​നും” ആയി യഹോ​വയെ വർണി​ച്ചി​രുന്ന ആ കീർത്ത​നങ്ങൾ അവർക്കി​ട​യി​ലെ ആലംബ​ഹീ​നർക്ക്‌ എത്ര ആശ്വാസം പകർന്നി​രി​ക്കണം! (സങ്കീർത്തനം 68:5; 146:9) അങ്ങനെ​യു​ള്ള​വർക്ക്‌ ആത്മബലം പകരാൻ നമുക്കു​മാ​കും. അനുഭ​വ​സ​മ്പ​ന്ന​നായ ഒരു പിതാ​വിൽനിന്ന്‌ ലഭിച്ച പ്രോ​ത്സാ​ഹ​ന​വാ​ക്കു​കൾ 20 വർഷത്തി​നു​ശേ​ഷ​വും നന്ദി​യോ​ടെ ഓർക്കു​ന്നു രണ്ടുമ​ക്ക​ളു​ടെ അമ്മയായ രൂത്ത്‌. “ഒറ്റയ്‌ക്കാ​ണെ​ങ്കി​ലും എത്ര നല്ല രീതി​യി​ലാണ്‌ രൂത്ത്‌ മക്കളെ വളർത്തു​ന്നത്‌! നിങ്ങളെ അഭിന​ന്ദി​ക്കാ​തി​രി​ക്കാൻ വയ്യ!” എന്ന്‌ അദ്ദേഹം പറഞ്ഞു. “മുന്നോ​ട്ടു​പോ​കാൻ ആ വാക്കുകൾ എനിക്കു കരു​ത്തേകി,” രൂത്ത്‌. ഇങ്ങനെ​യു​ള്ള​വരെ നിറഞ്ഞ മനസ്സോ​ടെ ഒന്ന്‌ അഭിന​ന്ദി​ക്കാൻ നിങ്ങൾക്കാ​കു​മോ? “സാന്ത്വ​ന​മ​രു​ളുന്ന നാവ്‌ ജീവവൃ​ക്ഷ​മാ​കു​ന്നു” എന്ന്‌ ബൈബിൾ പറയുന്നു. (സദൃശ​വാ​ക്യ​ങ്ങൾ 15:4, വിശുദ്ധ സത്യ​വേ​ദ​പു​സ്‌തകം, മോഡേൺ മലയാളം വേർഷൻ) ആശ്വാ​സ​ദാ​യ​ക​മായ വാക്കുകൾ നമ്മൾ വിചാ​രി​ക്കു​ന്ന​തി​നെ​ക്കാൾ ഫലം​ചെ​യ്യും. അതെ, ഒരു ഔഷധം​പോ​ലെ​യാ​ണത്‌.

ആവശ്യമെങ്കിൽ ഭൗതിക സഹായം നൽകുക

വിധവ​മാർക്കും അനാഥർക്കും ആഹാരം ലഭിക്കു​ന്നു​വെന്ന്‌ ഉറപ്പാ​ക്കാൻ മാന്യ​മാ​യൊ​രു ക്രമീ​ക​രണം യഹോവ ന്യായ​പ്ര​മാ​ണ​ത്തിൽ ഏർപ്പെ​ടു​ത്തി​യി​രു​ന്നു. അങ്ങനെ ഈ എളിയ​വർക്ക്‌ തൃപ്‌തി​യാം​വണ്ണം ഭക്ഷിക്കാൻ വേണ്ട​തെ​ല്ലാം ലഭിച്ചു. (ആവർത്ത​ന​പു​സ്‌തകം 24:19-21; 26:12, 13) ഇതു​പോ​ലുള്ള ഭൗതിക സഹായം നൽകാൻ നമുക്കും കഴിയും, ആ കുടും​ബ​ത്തി​ന്റെ അന്തസ്സ്‌ മാനി​ച്ചു​കൊ​ണ്ടു​തന്നെ. ഏതു വിധങ്ങ​ളിൽ? ഒരുപക്ഷേ, എന്തെങ്കി​ലും ആഹാര​സാ​ധ​ന​മോ  പലചര​ക്കോ അവർക്ക്‌ കൊണ്ടു​വന്നു കൊടു​ക്കാ​നാ​യേ​ക്കും. അല്ലെങ്കിൽ നിങ്ങളു​ടെ​യോ കുട്ടി​ക​ളു​ടെ​യോ വസ്‌ത്രങ്ങൾ അവർക്കു കൊടു​ക്കാം. പണപര​മായ സഹായ​ങ്ങ​ളും നൽകാ​വു​ന്ന​താണ്‌.

അവരെയും ഒപ്പം കൂട്ടുക

ഇസ്രാ​യേ​ല്യ​രു​ടെ വാർഷിക ഉത്സവങ്ങ​ളിൽ വിധവ​മാ​രെ​യും അനാഥ​രെ​യും ഉൾപ്പെ​ടു​ത്താൻ യഹോവ കൽപ്പി​ച്ചി​രു​ന്നു. സഹാരാ​ധ​ക​രു​മാ​യുള്ള ആ ഒത്തു​ചേരൽ അവർക്ക്‌ സന്തോ​ഷ​ത്തി​ന്റെ വേളക​ളാ​യി​രു​ന്നു. “നിന്റെ ദൈവ​മായ യഹോ​വ​യു​ടെ സന്നിധി​യിൽ സന്തോ​ഷി​ക്കേണം” എന്ന്‌ ദൈവം അവർക്ക്‌ കൽപ്പന നൽകി​യി​രു​ന്നു. (ആവർത്ത​ന​പു​സ്‌തകം 16:10-15) ‘അന്യോ​ന്യം അതിഥി​പ്രി​യം കാണി​ക്കാൻ’ ഇന്ന്‌ ക്രിസ്‌ത്യാ​നി​ക​ളോട്‌ ദൈവം ആവശ്യ​പ്പെ​ടു​ന്നു; ഇത്തരം സഹവാസം അവർക്ക്‌ സന്തോഷം നൽകുന്നു. (1 പത്രോസ്‌ 4:9) അച്ഛനമ്മ​മാ​രിൽ ഒരാൾ മാത്ര​മുള്ള ഒരു കുടും​ബത്തെ ഒരു​നേ​രത്തെ ഭക്ഷണത്തിന്‌ ക്ഷണിക്കാൻ നിങ്ങൾക്കാ​കു​മോ? വിഭവ​സ​മൃ​ദ്ധ​മാ​യൊ​രു സദ്യ ഒരുക്ക​ണ​മെ​ന്നില്ല. മാർത്ത​യു​ടെ വീട്ടിൽ അതിഥി​യാ​യി​രി​ക്കെ യേശു പറഞ്ഞത്‌ ഓർക്കു​ന്നി​ല്ലേ? “കുറച്ചേ വേണ്ടൂ. അല്ല, ഒന്നു മതി.”—ലൂക്കോസ്‌ 10:42.

നിങ്ങളു​ടെ ദയാവാ​യ്‌പു​കൾ നന്ദി​യോ​ടെ സ്‌മരി​ക്ക​പ്പെ​ടും

“ആരിൽനി​ന്നും ഒന്നും പ്രതീ​ക്ഷി​ക്കാ​തി​രി​ക്കുക; അതേസ​മയം, ലഭിക്കുന്ന ഏതു സഹായ​വും വിലമ​തി​ക്കുക.” മൂന്നു മക്കളെ ഒറ്റയ്‌ക്ക്‌ വളർത്തി​ക്കൊ​ണ്ടു​വന്ന കേത്‌ലിൻ എപ്പോ​ഴും ഓർക്കുന്ന ഒരു ഉപദേ​ശ​മാ​ണത്‌. കേത്‌ലി​നെ​പ്പോ​ലെ​യുള്ള അമ്മമാ​രിൽ പലരും മക്കളെ വളർത്താ​നുള്ള ഉത്തരവാ​ദി​ത്വം തങ്ങളു​ടേ​തു​ത​ന്നെ​യാ​ണെന്ന്‌ മനസ്സി​ലാ​ക്കു​ന്ന​വ​രാണ്‌; അത്‌ മറ്റുള്ളവർ ഏറ്റെടു​ക്ക​ണ​മെന്ന്‌ അവർ പ്രതീ​ക്ഷി​ക്കു​ന്നില്ല. എങ്കിലും നിങ്ങൾ നൽകുന്ന എന്തു സഹായ​വും അവർ വിലമ​തി​ക്കും, തീർച്ച. നിങ്ങളു​ടെ ഈ ദയാ​പ്ര​വൃ​ത്തി​കൾ അവർക്കും നിങ്ങൾക്കും ഒരു​പോ​ലെ സന്തോഷം പകരും. മാത്രമല്ല, നിങ്ങൾ ചെയ്‌ത നന്മയ്‌ക്ക്‌ യഹോ​വ​യാം ദൈവം പ്രതി​ഫലം നൽകു​ക​യും ചെയ്യും.—സദൃശ​വാ​ക്യ​ങ്ങൾ 19:17.

[അടിക്കു​റിപ്പ്‌]

[32-ാം പേജിലെ ചിത്രം]

അച്ഛനമ്മമാരിൽ ഒരാൾ മാത്ര​മുള്ള ഏതെങ്കി​ലും കുടും​ബത്തെ അടു​ത്തെ​ങ്ങാ​നും നിങ്ങൾ വീട്ടി​ലേക്കു ക്ഷണിച്ചി​ട്ടു​ണ്ടോ? ഇല്ലെങ്കിൽ എത്രയും​വേഗം അങ്ങനെ ചെയ്യാ​നാ​കു​മോ?