Lipesaleme 49:1-20
Ho motsamaisi. Pesaleme ea bara ba Kora.+ Pina.
49 Utloang lona lichaba tsohle.
Mamelang ka hloko, lona baahi bohle ba lefatše,
2 Ba baholo le ba banyenyane,Ba ruileng le ba futsanehileng.
3 Molomo oa ka o tla bua mantsoe a bohlale,Lintho tseo ke nahanisisang ka tsona ka pelong ea ka+ li tla bontša hore ke na le kutloisiso.
4 Ke tla mamelisisa maele,Ke hlalose selotho sa ka ka harepa.
5 Ke hobane’ng ha ke lokela ho tšoha ha ke e-na le mathata,+Ha ke pota-potiloe ke ba khopo ’me ba batla ho ’ntša kotsi?
6 Ba tšepileng maruo a bona+Le ba ithorisang ka maruo a bona a mangata,+
7 Ha ho le ea mong oa bona ea ka lopollang ngoan’aboKapa a fa Molimo tefo ea topollo bakeng sa hae,+
8 (Tefo ea topollo ea bophelo ba bona e phahame haholo,Ba ke ke ba khona ho e fihlela le ka mohla)
9 E le hore a phele ka ho sa feleng ’me a se ke a ea lebitleng.*+
10 Oa bona hore le ba bohlale baa shoa.
Ba se nang kelello le ba sa nahaneng ba felisoa hammoho,+Ba siea maruo a bona le ba bang.+
11 Ba lakatsa eka matlo a bona a ka lula a le teng ka ho sa feleng,Le litente tsa bona li be teng melokong eohle.
Ba reheletse libaka tsa bona ka mabitso a bona.
12 Leha motho a ka hlompheha, a ke ke a lula a le teng.+
O tšoana le liphoofolo tse shoang.+
13 Ena ke tsela ea ba se nang kelello+Le ea ba ba salang morao, ba thabelang mantsoe a bona a se nang thuso. (Selah)
14 Ba ahloletsoe Lebitla* joaloka linku tse e’o hlajoa.
Lefu le tla ba lisa.
Hoseng ba lokileng ba tla ba laola.+
Ba ke ke ba hlola ba fumanoa.+
Lebitla*+ e tla ba lehae la bona ho e-na le ntlo ea borena.+
15 Molimo o tla ntopolla Lebitleng,*+O tla ntšoara, a ntšireletse. (Selah)
16 U se ke oa tšoha ha motho e e-ba morui,Ha ntlo ea hae e ntse e ba ntle haholo
17 Hobane ha a shoa a ke ke a nka letho.+
A ke ke a tsamaea le leruo la hae.+
18 Ha a ntse a phela oa ithorisa.+
(Batho baa u rorisa ha u atleha.)+
19 Qetellong o latela moloko oa baholo-holo ba hae.
Ha ba sa tla hlola ba bona leseli.
20 Motho ea sa utloisiseng sena le hoja a hlomphuoa,+O tšoana le liphoofolo tse shoang.
Linaletsana
^ Kapa: “sekoting.”
^ Kapa: “Sheole.” Sheba Tlhaloso.
^ Kapa: “Sheole.” Sheba Tlhaloso.
^ Kapa: “matleng a Lebitla; Sheole.” Sheba Tlhaloso.
