මුල්ම මිනිසා වුණු ආදම් සියවස් ගණනාවක් ජීවත් වුණා. ඒ වුණත් එයා වයසට ගිහින් මැරුණා. එහෙම වුණේ එයා දෙවියන්ට අකීකරු වුණ නිසයි. අපි හැමෝමත් වයසට ගිහින් මැරෙන්නේ ආදම්ගේ පාපය අපිට උරුම වෙලා තියෙන නිසයි. වයසට යන එක නතර කරලා හැමදාටම ජීවත් වෙන්න මිනිසුන් කොච්චර උත්සාහ කළත් ඒක කවදාවත් කරන්න බැහැ.—උත්පත්ති 5:5; රෝම 5:12 කියවන්න.

හැමදාටම ජීවත් වෙන්න නම් අපිට උරුම වුණ පව්කාරකමින් අපිව ගලවගන්න ඕන. එහෙම කරන්න අපි වෙනුවෙන් වන්දියක් ගෙවන්න අවශ්‍ය වුණා. (යෝබ් 33:24, 25; නික්මයාම 21:29, 30) යේසුස් තම ජීවිතය පූජා කරලා අපි වෙනුවෙන් ඒ වන්දිය ගෙවපු නිසා අපිට හැමදාටම ජීවත් වෙන්න අවස්ථාව තියෙනවා.—යොහන් 3:16 කියවන්න.

යේසුස් අපි වෙනුවෙන් වන්දිය ගෙව්වත් ආදම් වගේ හිතාමතා දෙවිට අකීකරු වෙන අයට ඒකෙන් ප්‍රයෝජන ලබන්න බැහැ. වයසට යන එකෙන්, ලෙඩ දුක්වලින් ගැලවෙන්න ඒ අයට අවස්ථාව නැහැ. තම පව්වලට සමාව ලැබෙන අයට තමයි හැමදාටම ජීවත් වෙන්න ලැබෙන්නේ.—යෙසායා 33:24; 35:3-6 කියවන්න.

අපේ පව්වලට සමාව ලබාගන්න නම් අපේ පැත්තෙන් යම් දේවල් කරන්න අවශ්‍යයි. බයිබලේ තියෙන දේවල් ඉගෙනගෙන දෙවියන්ව හොඳින් දැන හඳුන ගන්න එක ඒකට ඇතුළත්. දෙවියන් සතුටු වෙන විදිහට ජීවත් වෙන්නත් සදාකල් ජීවිතය ලබාගන්න කරන්න ඕන වෙන මොනවද කියලා දැනගන්නත් එතකොට අපිට පුළුවන්.—යොහන් 17:3; ක්‍රියා 3:19 කියවන්න.