Liproverbia 7:1-27
7 Mora oa ka, mamela mantsoe a ka’Me u ipolokele litaelo tsa ka joaloka letlotlo.+
2 Mamela litaelo tsa ka ’me u phele,+Sireletsa molao oa ka joaloka thaka ea leihlo la hao.
3 Li tlame menoaneng ea hao,U li ngole pelong ea hao.+
4 E-re ho bohlale: “U ausi oa ka”’Me u re ho kutloisiso: “U mong ka ’na.”
5 Li tla u lebela khahlanong le mosali oa letekatse,*+Khahlanong le mosali ea boitšoaro bo bobe* le mantsoe a hae a monate.*+
6 Ke ile ka hlahela ka fensetere ea ntlo ea kaEaba ke sheba tlase.
7 Eitse ha ke ntse ke sheba ba se nang tsebo,*Har’a bacha ka bona mohlankana ea se nang kelello.*+
8 O ile a feta pel’a seterata sa mosali eoEaba o nka tsela e eang ntlong ea hae.
9 E ne e le mantsiboea, ka shoalane,+Bosiu bo se bo tšoara, ho le lefifi.
10 Eaba ke bona mosali a mo khahlanyetsa,A apere joaloka* letekatse,+ a e-na le morero oa bolotsana.*
11 Ke sebueng ebile o manganga.+Ha ho mohla a leng ha hae.*
12 O ka ntle, neng-neng o literateng,O lalla batho pel’a k’hona e ’ngoe le e ’ngoe.+
13 A tšoara mohlankana ’me a mo suna.
A sa soabe, a re ho eena:
14 “Ke ne ke lokela ho etsa mahlabelo a khotso.*+
Kajeno ke phethile likano tsa ka.
15 Ke kahoo ke tlileng ho u khahlanyetsa.
Ke u batlile ’me ke u fumane.
16 Ke alile masela a line a matle holim’a bethe ea ka,Line ea Egepeta e mebala-bala.+
17 Ke fafalitse bethe ea ka ka mira, makhala le sinamone.+
18 Tloo, re ikhotsofatse ka lerato ho fihlela hoseng,A re taeane ka lerato.
19 Monna oa ka ha a eo lapeng,O etetse hole.
20 O tsamaile ka mokotla oa chelete’Me o tla khutla mohla khoeli e tolokileng.”
21 O khelosa mohlankana eo ka ho mo phehella.+
O mo eka ka lipuo tse monate.
22 Hang-hang mohlankana eo o mo sala morao joaloka poho e tl’o hlajoa,Joaloka leoatla le tlanngoeng hore le tl’o fuoa kotlo.+
23 Qetellong motsu o tla phunya sebete sa hae.
O tšoana le nonyana e potlakelang sefing, ha a tsebe hore o tla shoa.+
24 Joale bara ba ka, ’mameleng,Mamelang ka hloko mantsoe ao ke a buang.
25 Le se ke la lumella lipelo tsa lona ho khelohela litseleng tsa mosali eo.
Le se ke la hlahlathella litseleng tsa hae.+
26 O entse hore ba bangata ba shoe+’Me o bolaile ba bangata.+
27 Ntlo ea hae e lebisa Lebitleng,*E theohela nģalong ea bafu.
Linaletsana
^ Ka Seheberu: “osele.” Sheba Liprov. 2:16.
^ Ka Seheberu: “molichaba.” Sheba Liprov. 2:16.
^ Kapa: “a ekang.”
^ Kapa: “boiphihlelo.”
^ Ka Seheberu: “eo pelo ea hae e haelloang.”
^ Kapa: “a le pelo e mano.”
^ Kapa: “Ea apereng seaparo sa.”
^ Ka Seheberu: “Maoto a hae ha a lule ka tlung ea hae.”
^ Kapa: “a kopanetsoeng.” Sheba Tlhaloso.
^ Kapa: “Sheole.” Sheba Tlhaloso.
