Liproverbia 12:1-28
12 Ea ratang taeo o rata tsebo+Empa ea hloileng ho khalemeloa ha a na kelello.*+
2 Jehova o rata motho ea lokilengEmpa o nyatsa motho ea nang le merero e mebe.+
3 Motho a ke ke a itšireletsa ka ho ba khopo+Empa ba lokileng ba tla tšoana le sefate se ke keng sa fotholoa.
4 Mosali oa sebele ke korone ho monna oa hae+Empa mosali ea liketso li tlotlollang o joaloka lefu le bolisang masapo ho monna oa hae.+
5 Menahano ea ba lokileng e na le tokaEmpa keletso ea ba khopo ea thetsa.
6 Mantsoe a ba khopo a joaloka sera se laletseng ho bolaea*+Empa mantsoe a ba lokileng aa lopolla.+
7 Ha ba khopo ba lihuoa ba ke ke ba hlola ba e-ba tengEmpa ntlo ea ba lokileng e tla ’ne e eme.+
8 Motho o rorisoa ka lebaka la mantsoe a hae a bohlale+Empa ea pelo e mpe a ke ke a hlomphuoa.+
9 Ho molemo ho khelloa fatše empa u e-na le mosebeletsiHo e-na le ho ithorisa empa u bolaoa ke tlala.*+
10 Ea lokileng o hlokomela liphoofolo tsa hae.+
Ea khopo eena o nahana hore o mohau empa ha e le hantle o sehloho.
11 Ea lemang masimo a hae o tla fumana lijo tse ngata+Empa ea phehellang lintho tse se nang thuso ha a na kelello.*
12 Ea khopo o khalla phofu ea ba bang ba khopoEmpa ba lokileng ba joaloka lifate tse metso e tebileng ’me ba beha litholoana.
13 Motho ea khopo o tšoasoa ke lipuo tsa hae tse mpe+Empa ea lokileng o pholoha mahlomoleng.
14 Motho o atlehisoa ke lipuo tsa hae tse ntle*+’Me mesebetsi ea matsoho a hae e tla mo putsa.
15 Leoatla le nahana hore le etsa lintho ka tsela e nepahetseng+Empa ea bohlale o mamela keletso.*+
16 Leoatla le potlakela ho bontša hore le halefile+Empa ea bohlale o iphapanyetsa litlhapa.
17 Paki e tšepahalang e bua ’neteEmpa paki ea bohata e bua leshano.
18 Lipuo tse sa nahanoang li hlaba joaloka saboleEmpa lipuo tsa* ba bohlale lia folisa.+
19 Melomo e buang ’nete e tla mamella ka ho sa feleng+Empa leleme le buang leshano le ke ke la tšoarella.+
20 Thetso e ka lipelong tsa ba rerang bobeEmpa ba bopang* khotso ba na le thabo.+
21 Ba lokileng ba ke ke ba hlaheloa ke letho le kotsi+Empa bophelo ba batho ba khopo bo tla tlala mathata.+
22 Jehova o nyonya batho ba leshano+Empa o thabisoa ke ba tšepahalang.
23 Motho ea bohlale ha a bolelise tsebo ea haeEmpa leoatla le phatlalatsa bothoto ba lona.+
24 Ba khothetseng ba tla busa+Empa ba botsoa e tla ba makhoba.+
25 Matšoenyeho a tetebetsa pelo ea motho+Empa lentsoe le nepahetseng lea e hlabolla.+
26 Ea lokileng o batlana le makhulo a mo loketsengEmpa tsela ea ba khopo ea ba lahla.
27 Motho ea botsoa a ke ke a tšoasa phofu+Empa ho khothala ke leruo la motho la bohlokoa.
28 Tsela ea ho loka e lebisa bophelong.+Ea tsamaeang tseleng eo a ke ke a shoa.
Linaletsana
^ Kapa: “ha a inahane.”
^ Ka Seheberu: “se laletseng mali.”
^ Ka Seheberu: “u se na bohobe.”
^ Ka Seheberu: “o na le pelo e haelloang.”
^ Kapa: “litholoana tsa molomo oa hae.”
^ Kapa: “khalemelo.”
^ Kapa: “maleme a.”
^ Ka Seheberu: “ba rerang.”