Liproverbia 18:1-24
18 Ea ikarolang ho batho ba bang o shebile feela ho khotsofatsa litakatso tsa hae.
O hanyetsa* bohlale bohle.
2 Motho ea se nang kelello ha a batle ho utloisisa letho.
A ka mpa a senola se ka pelong ea hae.+
3 Ha motho a le khopo, o tla telloa.
Hape ha motho a etsa lintho tse soabisang, o tla tlotlolleha.+
4 Mantsoe a motho a joaloka boliba.+
Seliba sa bohlale se joaloka metsi a phallang.
5 Ha se ntho e ntle ho ba leeme* ho ea khopo+Kapa ho hlokela ea lokileng toka.+
6 Lipuo tsa ea hlokang kelello li baka likhang+’Me ka lipuo tsa hae o ipitsetsa thupa.+
7 Motho ea se nang kelello o timetsoa ke lipuo tsa hae+’Me lipolelo tsa hae ke leraba bakeng sa hae.*
8 Mantsoe a ea ratang ho senya ba bang lebitso a tšoana le lijo tse monate.*+
A theohela hamonate ho ea fihla ka mpeng.+
9 Mang kapa mang ea botsoa mosebetsing oa haeKe ngoan’abo lesholu.*+
10 Lebitso la Jehova ke tora e matla.+
Ea lokileng o balehela ho lona ’me oa sireletsoa.*+
11 Maruo a morui ke motse oa hae o matla.
Monahanong oa hae, a joaloka lerako le sireletsang.+
12 Motho ea pelo e ikhohomosang o tla oa+Empa ea ikokobelitseng o tla rorisoa.+
13 Mang kapa mang ea arabang taba pele a utloa lintlha kaofelaKe sethoto ebile oa itlotlolla.+
14 Motho ea nang le thabo ka pelong ea hae* a ka mamella ha a kula+Empa ke mang ea ka mamellang pelo e sithabetseng?*+
15 Motho ea nang le kutloisiso o fumana tsebo,+Ba bohlale baa mamela e le hore ba fumane tsebo.
16 Mpho ea motho e tla mo bulela tsela,+E tla mo atametsa ho batho ba bohlokoa.
17 Oa pele oa ho teka taba ea hae o bonahala a nepile+Ho fihlela e mong a tla ’me a mo hloma lipotso.*+
18 Ho lahla lotho ho khaola khang+Ebile ho felisa qabang lipakeng tsa* lira tse matla.
19 Ho kokobetsa bohale ba motsoalle ea utloisitsoeng bohloko, ho thata ho feta ho hapa motse o matla.+Likhang li arola batho joaloka litšepe tsa likeiti tsa motse o matla.+
20 Lipuo tsa motho li tšoana le lijo tse mo khorisang.+
O tla khora litholoana tsa lipuo tsa hae.
21 Lefu le bophelo li matleng a leleme,+Ba ratang ho bua ba tla ja litholoana tsa lona.+
22 Motho ea fumanang mosali oa sebele o fumane letlotlo la bohlokoa+’Me motho eo o ratoa* ke Jehova.+
23 Mofutsana o kopa mohau ho moruiEmpa morui o mo araba ka bohale.
24 Ho na le metsoalle e ratang ho utloisana bohloko+Empa ho na le motsoalle ea tšepahalang haholo ho feta ngoan’abo motho.+
Linaletsana
^ Kapa: “nyatsa.”
^ Kapa: “ho ba le khethollo.”
^ Kapa: “bophelo ba hae.”
^ Kapa: “lintho tse tla jeoa ka meharo.”
^ Kapa: “sesenyi.”
^ Ka Seheberu: “phahamisoa.”
^ Kapa: “Motho ea matla.”
^ Kapa: “ho nyahama.”
^ Kapa: “hlahlobisisa.”
^ Ka Seheberu: “e namola.”
^ Kapa: “hauheloa.”
