Kodi Ufumu wa Mulungu Udzachita Chiyani?

YAMBANI

Yankho la m’Baibulo

Ufumu wa Mulungu udzathetsa maboma onse a anthu ndipo Ufumu wokhawo ndi womwe uzidzalamulira dziko lonse lapansi. (Danieli 2:44 Chivumbulutso 16:14) Zimenezi zikadzachitika, Ufumu wa Mulungu udzachita zotsatirazi:

Udzawononga anthu onse oipa, omwe amachita zinthu modzikonda n’kumasowetsa mtendere ena tonsefe. Baibulo limati: “Oipa adzachotsedwa padziko lapansi.”—Miyambo 2:22.
Udzathetsa nkhondo zonse. Baibulo limati: “[Mulungu] akuletsa nkhondo mpaka kumalekezero a dziko lapansi.”—Salimo 46:9.
Udzathandiza anthu kukhala osangalala komanso otetezeka. Baibulo limati: “Aliyense adzakhala pansi pa mtengo wake wa mpesa ndi mtengo wake wa mkuyu ndipo sipadzakhala wowaopsa.”—Mika 4:4.
Udzachititsa dzikoli kukhala paradaiso. Baibulo limati: “Chipululu ndi malo opanda madzi zidzasangalala. Dera lachipululu lidzakondwa ndipo lidzachita maluwa n’kukhala lokongola ngati duwa la safironi.”—Yesaya 35:1.
Udzathandiza munthu aliyense kuti azidzagwira ntchito yabwino komanso yosangalatsa. Baibulo limati: “Ndipo anthu anga [a Mulungu] osankhidwa mwapadera adzapindula mokwanira ndi ntchito ya manja awo. Sadzagwira ntchito pachabe.”—Yesaya 65:21-23.
Udzathetsa matenda. Baibulo limati: “Palibe munthu wokhala m’dzikolo amene adzanene kuti: ‘Ndikudwala.’”—Yesaya 33:24.
Udzachititsa kuti anthufe tisamadzakalambe. Baibulo limati: “Mnofu wake usalale kuposa mmene unalili ali mnyamata. Abwerere ku masiku ake aunyamata pamene anali ndi mphamvu.”—Yobu 33:25.
Akufa adzaukitsidwa. Baibulo limati: “Onse ali m’manda achikumbutso adzamva mawu [a Yesu] ndipo adzatuluka.”—Yohane 5:28, 29.

Nkhani Zina

Baibulo Ufumu wa Mulungu Kuvutika Kuyankha Mafunso a M’Baibulo

Mwina Mungakondenso Kudziwa Izi

NKHANI ZINA

Tiziyembekezera Kuti Zinthu Zidzakhala Bwino M’tsogolo

N’chifukwa chiyani tinganene kuti malonjezo a m’Baibulo ndi osiyana ndi malonjezo komanso maganizo a anthu?

MFUNDO ZOFUNIKA ZA M'BAIBULO

Kodi Ufumu wa Mulungu N’chiyani?

Ali padziko lapansi, Yesu anafotokoza kwambiri za Ufumu wa Mulungu kuposa nkhani ina iliyonse. Kwa zaka zambiri otsatira ake akhala akupempherera Ufumu umenewu kuti ubwere.

NSANJA YA OLONDA

Kodi Ufumu wa Mulungu Udzachita Zotani?

Yesu ankadziwa kuti Ufumu wa Mulungu wokha ndi umene ungathetse mavuto padzikoli. Kodi Ufumuwu wachita kale zinthu ziti zomwe zingatithandize kuukhulupirira?