Ndi Akpana Nna Baptism?
Ibuot 37
Ndi Akpana Nna Baptism?
Sịn idiọn̄ọ ke ekebe man owụt m̀mê se ẹtịn̄de edi akpanikọ m̀mê nsu:
Ẹyom mme Christian ẹna baptism.
□ Akpanikọ
□ Nsu
Akpan ntak emi akpanamde ana baptism edi mbak udunam idiọkn̄kpọ.
□ Akpanikọ
□ Nsu
Baptism ekeme ndinam enyene edinyan̄a.
□ Akpanikọ
□ Nsu
Edieke mûnaha baptism, ọwọrọ udunamke ibat unọ Abasi ke se anamde.
□ Akpanikọ
□ Nsu
Edieke mme ufan fo ẹnade baptism, ọwọrọ afo n̄ko emeben̄e idem ndina baptism.
□ Akpanikọ
□ Nsu
EDIEKE odude uwem nte Abasi etemede, edide ufan Abasi, esinyụn̄ etịn̄de se enịmde ke akpanikọ ọnọ mbon en̄wen, emekeme ndikere ke akpana ana baptism. Edi akpanam didie ọfiọk m̀mê emeben̄e idem ndina baptism? Man ekeme ndibọrọ mbụme emi, yak ibem iso ibọrọ mme mbụme oro ẹdọhọde esịn idiọn̄ọ ndiwụt m̀mê edi akpanikọ m̀mê nsu.
● Ẹyom mme Christian ẹna baptism.
Akpanikọ. Jesus ama owụk ete ẹnịm mme mbet imọ baptism. (Matthew 28:19, 20) Ke nditịm ntịn̄, Jesus ke idemesie ama enyịme ẹnịm imọ baptism. Man edi anditiene Christ, ana afo ana baptism ke ama okokpon ekem onyụn̄ enen̄ede ebiere ndinam ntre.
● Akpan ntak emi akpanamde ana baptism edi mbak udunam idiọkn̄kpọ.
Nsu. Baptism edi n̄kpọ oro anamde man owụt mme owo ke amayak idem ọnọ Jehovah. Uyakidem nnọ Abasi idịghe n̄kpọ emi akpanamde mmen̄e mmen̄e, ekerede ke ayakpan fi ndidịbe nnam se akpamade ndinam. Utu ke oro, afo ayak idemfo ọnọ Jehovah sia oyomde ndidu uwem nte enye etemede.
● Baptism ekeme ndinam enyene edinyan̄a.
Akpanikọ. Bible ọdọhọ ke baptism edi akpan n̄kpọ emi ekemede ndinam owo enyene edinyan̄a. (1 Peter 3:21) Edi oro iwọrọke ke baptism etie nte okụk oro enịmde ọnọ usen nnanenyịn. Afo akpana baptism ke ntak emi amade Jehovah onyụn̄ oyomde ndinam n̄kpọ esie ke ofụri esịt ke nsinsi.—Mark 12:29, 30.
● Edieke mûnaha baptism, ọwọrọ udunamke ibat unọ Abasi ke se anamde.
Nsu. James 4:17 ọdọhọ ete: “Edieke owo ọfiọkde ndinam se inende edi mînamke, oro edi idiọkn̄kpọ ọnọ enye”—edide enye ana baptism m̀mê inaha. Ntre edieke ọfiọkde se inende onyụn̄ okponde ekem ndibiere n̄kpọ nnọ idemfo, ekeme ndidi ini edi emi ndineme n̄kpọ emi ye ete m̀mê eka fo m̀mê ye akwa owo en̄wen emi edide Christian. Nneme oro ayanam ọfiọk se akpanamde man odot ndina baptism.
● Edieke mme ufan fo ẹnade baptism, ọwọrọ afo n̄ko emeben̄e idem ndina baptism.
Nsu. Akpana ubiere oro anamde ndina baptism oto fi esịt. (Psalm 110:3) Ikpanaha ana baptism kan̄a tutu afo ọfiọk se ndidi kiet ke otu Mme Ntiense Jehovah ọwọrọde onyụn̄ enen̄ede enịm ke imọ imeben̄e idem ndinam se owo oro anade baptism akpanamde.—Ecclesiastes 5:4, 5.
Baptism Esikpụhọde Uwem Owo
Baptism edi edinam emi okpụhọrede uwem owo onyụn̄ anamde owo enyene uwak edidiọn̄. Enye n̄ko asan̄a ye akwa mbiomo—ndinam se ọkọn̄wọn̄ọde ke ini akayakde idemfo ọnọ Jehovah.
Ndi emeben̄e idem ndiyak idemfo nnọ Jehovah? Edieke edide ntre, akpana esịt enem fi. Se inade fi ke iso edi n̄kponn̄kan ifet, oro edi, ndinam n̄kpọ Jehovah ke ofụri esịt nnyụn̄ ndu uwem ke usụn̄ oro owụtde ke emenen̄ede ayak idemfo ọnọ enye.—Matthew 22:36, 37.
Kpep nte ekpenịmde mme utịtmbuba ọnọ idemfo man ada uwem fo anam n̄kpọ ke eti usụn̄.
AKPAN ITIE N̄WED ABASI
“Ẹda idem mbufo ẹnọ Abasi nte odu-uwem uwa emi asanade, emi Abasi onyụn̄ enyịmede ndibọ, kpa edisana utom emi ẹdade ukeme ukere n̄kpọ mbufo ẹnam.”—Rome 12:1.
ITEM
Dọhọ ete ye eka fo ẹn̄wam fi ẹyom owo emi ekemede ndin̄wam fi anam n̄kọri eke spirit ke esop mbufo.—Utom 16:1-3.
NDI AMA ỌFIỌK . . . ?
Ndina baptism edi akpan n̄kpọ kiet emi enịmde fi “idiọn̄ọ” ọnọ edinyan̄a.—Ezekiel 9:4-6.
SE NDINAMDE
Man nnam n̄kọri n̄kesịm idaha oro ndotde ndina baptism, nyesịn idem n̄kpep n̄kpọ man se Bible ekpepde aban̄a mme n̄kpọ oro n̄wetde mi ẹn̄wan̄a mi: ․․․․․
Se ndibụpde ete m̀mê eka mi mban̄a n̄kpọ emi edi ․․․․․
AFO EKERE DIDIE?
● Ntak emi baptism edide ata akpan edinam?
● Nso ikeme ndinam eyenọwọn̄ efehe akana baptism?
● Nso ikeme ndinam eyenọwọn̄ esịn ndiyak idem nnọ Abasi nnyụn̄ nna baptism?
[Se ẹwetde ke ikpọ abisi ke page 306]
“Ndifiọk ke mma nna baptism esin̄wam mi nnam nti ubiere esinyụn̄ an̄wam mi ntre ndinam ndusụk n̄kpọ emi ẹkemede ndikama ndiọi utịp.”—Holly
[Ekebe/Ndise ke page 307]
Mme Mbụme Oro Ẹsiwakde Ndibụp Mban̄a Baptism
Baptism ada aban̄a nso? Ndibụk fi ke mmọn̄ nnyụn̄ mmenede ọwọrọ ke amakpa ọkpọn̄ akani usụn̄uwem fo, ke ẹnyụn̄ ẹnam fi eset idahaemi edidu uwem man anam uduak Jehovah.
Nso ke ndiyak idemfo nnọ Jehovah ọwọrọ? Ọwọrọ ndikan̄ idemfo, nnyụn̄ n̄n̄wọn̄ọ ke iyanam uduak Abasi edi ebeiso n̄kpọ ke uwem fo. (Matthew 16:24) Odot ọbọn̄ akam ayak idemfo ọnọ Jehovah kan̄a mbemiso anade baptism.
Didie ke okpodu uwem mbemiso anade baptism? Akpana odu uwem nte Ikọ Abasi etemede onyụn̄ etịn̄ se enịmde ke akpanikọ ọnọ mbon en̄wen. Akpana ọtọn̄ọ ndinam ufan ye Abasi ke ndisibọn̄ akam nnọ enye nnyụn̄ n̄kpep Ikọ esie. Afo akpanam n̄kpọ Jehovah sia emekde ndinam—idịghe sia mbon en̄wen ẹnyịkde fi.
Afo ekere ke ekpedi isua ifan̄ mbemiso anade baptism? Idịghe isua emana ke akpada ebiere. Edi akpana okpon ekem ndibiere n̄kpọ ke idemfo—ọfiọk se baptism ọwọrọde.
Nso ke akpanam edieke oyomde ndina baptism, edi ete ye eka fo ẹdọhọ ebet kan̄a? Ekeme ndidi mmọ ẹyom fi enen̄ede ọfiọk nte Christian okpodude uwem. Da item mmọ ke akpan n̄kpọ, nyụn̄ da ini oro ebetde do nam itie ufan fo ye Jehovah etetịm ọfọn.—1 Samuel 2:26.
[Ekebe ke page 308, 309]
Utomufọk
Ndi ke Eben̄e Idem Ndina Baptism?
Da mme mbụme oro ẹdude ke idak emi dụn̄ọde idemfo se m̀mê ke eben̄e idem ndina baptism. Kụt ete ke omokot mme itie N̄wed Abasi oro ẹsiakde ẹsịn mbemiso ewetde ibọrọ fo.
Didie ke afo owụt ke ọmọbuọt idem ye Jehovah idahaemi?—Psalm 71:5. ․․․․․
Didie ke afo owụt ke ọmọnọ ukeme ufiọk n̄kpọ fo ukpep man ọdiọn̄ọ se inende ye se ikwan̄ade?—Mme Hebrew 5:14. ․․․․․
Ndi emesiwak ndibọn̄ akam? ․․․․․
Mme akpan n̄kpọ ewe ke esisịn ke akam fo, ndien didie ke mmọ ẹwụt ke amama Jehovah?—Psalm 17:6. ․․․․․
Wet mme n̄kpọ oro edimade ndinam mban̄a akam fo. ․․․․․
Ndi emesikpep Bible ke idemfo kpukpru ini?—Joshua 1:8. ․․․․․
Nso ye nso en̄wen ke esikpep? ․․․․․
Wet mme n̄kpọ oro edimade ndinam mban̄a ukpepn̄kpọ idemfo ke idak emi. ․․․․․
Ntak emi esikade ukwọrọikọ? (Uwụtn̄kpọ: Ndi emekeme ndinam mme akpan ukpepn̄kpọ Bible ẹn̄wan̄a mbon en̄wen? Ndi emesifiak ekese mbon oro ẹnyenede udọn̄? Ndi ke esịn ukeme man esinịm ukpepn̄kpọ Bible?)
□ Ih □ Ihih
Ndi emesika ukwọrọikọ idem ekpededi ete ye eka fo ikaha?—Utom 5:42.
□ Ih □ Ihih
Wet mme n̄kpọ oro edimade ndinam mban̄a utom ukwọrọikọ fo.—2 Timothy 2:15. ․․․․․
Ndi emesidụk mbono esop kpukpru ini, mîdịghe ndi esidụk ntomo ntomo?—Mme Hebrew 10:25. ․․․․․
Nso ye nso ke esitiene anam ke ini odụkde mbono esop? ․․․․․
Ndi emesika mbono esop ke ini ete ye eka fo mîkemeke ndika (edieke mmọ ẹnyịmede aka)?
□ Ih □ Ihih
Ndi emekeme ndidọhọ ke emenen̄ede ama ndinam uduak Abasi?—Psalm 40:8.
□ Ih □ Ihih
Tịn̄ n̄kpọ ban̄a nte mme uke fo ẹkedọhọde anam se mîfọnke edi afo esịn?—Rome 12:2. ․․․․․
Nso ke aduak ndinam man aka iso ama Jehovah?—Jude 20, 21. ․․․․․
Ndi ayaka iso anam n̄kpọ Jehovah idem edieke ete ye eka fo ye mme ufan fo ẹtrede?—Matthew 10:36, 37.
□ Ih □ Ihih
[Ndise ke page 310]
Ukem nte ndọ, baptism edi edinam emi ọkpụhọrede uwem owo—owo ikpadaha enye mfefere mfefere
Ekeme Ndidi Ayama Mmọ Emi N̄ko
MME UYEN YE N̄KPARAWA
N̄kparawa Owo Ẹbụp
Mme mbụme emi n̄kparawa owo ẹsiwakde ndibụp mban̄a idan̄, mme ufan, mme ete ye eka, ufọkn̄wed, ye mme n̄kpọ en̄wen.
