‘Kwọrọ Eti Mbụk!’
Akamba Mbono Mme Ntiense Jehovah Eke 2024
Edi ke mfọn • Owo isibọhọ offering m̀mê collection
Se Ẹdinamde
Friday: Ẹyeneme nsio nsio n̄kpọ emi ẹwụtde ke se Matthew, Mark, Luke, ye John ẹtịn̄de ẹban̄a Jesus edi ofụri akpanikọ. Di dikop nte mbụk uwem Jesus emi ekemede ndin̄wam fi.
Saturday: Ẹyeneme se mme prọfet ẹketịn̄de ẹban̄a emana Jesus ye se ẹkedọhọde ke eyetịbe ini enye edidide eyenọwọn̄. Ndi mme prọfesi emi ẹma ẹsu?
Sunday: Ẹyekwọrọ akpan ikọ Abasi ke ibuotikọ emi, “Ntak Emi Idiọk Mbụk Mîsinamke Nnyịn Ndịk.” Di dikop se isinamde ata ediwak owo ẹtie nte inyeneke se ifịnade mmọ ke ini edide eyo esiere ererimbot ọdiọk akan nte ekedide.
Drama Bible
Mbụk Utom Ukwọrọikọ Jesus: Akpa Vidio
Ata Un̄wana Ererimbot
Utịbe utịbe usụn̄ emi Jesus akamanade ekedi kiet ke otu ikpọ n̄kpọ emi ẹketịbede ini enye ekedide eyenọwọn̄. Idiọk edidem kiet ama oyom ndiwot enye, ntre ẹma ẹmen enye ẹfehe ẹka Egypt. Ekem, akwa ifiọk esie ama akpa ikpọ mme andikpep idem. Ẹyesio kpukpru emi ye mme n̄kpọ en̄wen emi aban̄ade enye ke ediye vidio emi enyenede ikpehe iba. Ẹdibre akpa ikpehe ke Friday, ẹbre ọyọhọ iba ke Saturday.
Se mme vidio emi ẹwụtde se ẹdinamde ke akamba mbono isua emi mi
Nso ke Ẹsinam ke Akamba Mbono Mme Ntiense Jehovah?
Se se ẹsinamde ke akamba mbono Mme Ntiense Jehovah.
Akamba Mbono Mme Ntiense Jehovah Eke 2024 Emi Ibuotikọ Edide: ‘Kwọrọ Eti Mbụk!’
Se se ẹdinamde ke mbono isua emi.
Se Ntabi-Nse Drama Emi Ẹdibrede: Mbụk Utom Ukwọrọikọ Jesus
Ata ediwak owo ẹdiọn̄ọ utịbe utịbe usụn̄ emi Jesus akamanade. Edi nso ye nso iketịbe mbemiso enye amanade ye ke enye ama akamana?