Tí Wíwo Ohun Tó Ń Mú Ọkàn Èèyàn Fà sí Ìṣekúṣe Bá Ti Mọ́ Mi Lára Ńkọ́?
Ohun tó o lè ṣe
Ohun tó ń mú ọkàn èèyàn fà sí ìṣekúṣe kò dára. Ohun tó ń mú ọkàn èèyàn fà sí ìṣekúṣe ń tàbùkù ohun tí Ọlọ́run dá lọ́nà iyì. Tó bá yé ẹ pé bí ohun tó ń mọ́kàn èèyàn fà sí ìṣékúṣe ṣe burú tó nìyí, ó máa jẹ́ kó o “kórìíra ohun búburú.”—Sáàmù 97:10.
Wo àwọn ohun tó máa yọrí sí. Ohun tó ń mú ọkàn èèyàn fà sí ìṣekúṣe má ń sọ àwọn tó wà nínú rẹ̀ di ẹni àbùkù. Ó máa ń sọ àwọn tó ń wò ó dìdàkudà. Ìdí pàtàkì nìyẹn tí Bíbélì fi sọ pé: “Afọgbọ́nhùwà ni ẹni tí ó ti rí ìyọnu àjálù, tí ó sì bẹ̀rẹ̀ sí fi ara rẹ̀ pa mọ́.”—Òwe 22:3.
Ṣe ìpinnu. Jóòbù ọkùnrin olóòótọ́ náà sọ pé: “Èmi ti bá ojú mi dá májẹ̀mú. Nítorí náà, èmi yóò ha ṣe tẹjú mọ́ wúńdíá?” (Jóòbù 31:1) Àwọn “májẹ̀mú” tí o lè dá nìyí:
Mi ò ní lo Íńtánẹ́ẹ̀tì nígbà tí mo bá dá wà.
Tí àwòrán oníhòhò bá fara hàn lójijì tàbí tí mo bá dé ibi tí àwòrán oníhòòhò wà, ẹsẹ̀kẹsẹ̀ ni màá gbé e kúrò.
Màá bá ọ̀rẹ́ mi kan tó sún mọ́ Ọlọ́run dáadáa sọ̀rọ̀ tó bá ṣẹlẹ̀ pé mo tún wo ohun tó ń mọ́kàn fà sí ìṣekúṣe.
Ohun tó ń mú ọkàn fà sí ìṣekúṣe máa ń di bárakú, bó o ṣe ń wò ó léraléra tó, bẹ́ẹ̀ ló ṣe máa ṣòro tó láti jáwọ́ ń bẹ̀
Gbàdúrà nípa rẹ̀. Onísáàmù bẹ Jèhófà Ọlọ́run pé: “Mú kí ojú mi kọjá lọ láìrí ohun tí kò ní láárí.” (Sáàmù 119:37) Ọlọ́run fẹ́ kó o ṣàṣeyọrí, tó o bá gbàdúrà sí i, á fún ẹ lókun láti ṣe ohun tó tọ́!—Fílípì 4:13.
Bá ẹnì kan sọ̀rọ̀. Ohun pàtàkì kan tó lè mú kó o bọ́ lọ́wọ́ ìwà náà ni kó o yan ẹni kan tí wàá finú hàn.—Òwe 17:17.
Rántí: Ìgbàkigbà tó o bá ti yẹra fún ohun tó ń mú ọkàn èèyàn fà sí ìṣekúṣe, àṣeyọrí kan lo ṣe yẹn. Sọ fún Jèhófà nípa àṣeyọrí náà, kó o sì dúpẹ́ lọ́wọ́ rẹ̀ fún okun tó fún ẹ. Tó o bá yẹra fún ohun tó ń mú ọkàn èèyàn fà sí ìṣekúṣe, wàá mọ́kàn rẹ̀ yọ̀!—Òwe 27:11.
O Tún Lè Wo
OHUN TÍ BÍBÉLÌ SỌ
Kí Ni Bíbélì Sọ Nípa Àwòrán Oníhòòhò àti Fífi Ohun Tó Ń Mú Ọkàn Fà Sí Ìṣekúṣe Ránṣẹ́ Lórí Íńtánẹ́ẹ̀tì?
Àwọn eré ìnàjú tó n gbé ìbálòpọ̀ lárugẹ tí wọ́pọ̀ gan-an báyìí. Ṣé ó yẹ ká máa lọ́wọ́ nínú rẹ̀ torí pé gbogbo èèyàn ló mọ̀ nípa rẹ̀?
ÀWỌN Ọ̀DỌ́ BÉÈRÈ PÉ
Kí Nìdí Tó Fi Yẹ Kó O Yẹra fún Wíwo Àwòrán Ìṣekúṣe?
Kí ló jọra nínú wíwo àwòrán ìṣekúṣe àti mímu sìgá?
ÌWÉ ÀJÁKỌ FÚN ÀWỌN Ọ̀DỌ́
Bí O Ṣe Lè Yẹra fún Wíwo Àwòrán Ìṣekúṣe
Kí nìdí tí ṣíṣọ́ ohun téèyàn máa tẹ̀ sórí íńtánẹ́ẹ̀tì nìkan kò fi tó?
ÀWỌN Ẹ̀KỌ́ PÀTÀKÌ INÚ BÍBÉLÌ
Ṣé Ẹ̀ṣẹ̀ Ni Wíwo Àwòrán Ìṣekúṣe Jẹ́ Lójú Ọlọ́run?
Ṣé ọ̀rọ̀ náà “àwòrán ìṣekúṣe” tiẹ̀ wà nínú Bíbélì? Báwo la ṣe lè mọ bí irú nǹkan bẹ́ẹ̀ ṣe rí lójú Ọlọ́run?
ÀWỌN Ọ̀DỌ́ BÉÈRÈ PÉ
Kí Ló Yẹ Kí N Mọ̀ Nípa Fífi Ohun Tó Ń Mọ́kàn Fà sí Ìṣekúṣe Ránṣẹ́ Lórí Fóònù?
Ṣé àwọn ọ̀rẹ́ rẹ ò tíì máa fipá mú ẹ pé kó o fi ohun tó ń mọ́kàn fà sí ìṣekúṣe ránṣẹ́ sáwọn lórí fóònù? Kí ló lè tẹ̀yìn ẹ̀ yọ tó o bá ṣe bẹ́ẹ̀? Àbí o rò pé kò sóhun tó burú níbẹ̀, pé ẹ kàn ń tage lásán ni?
ILÉ ÌṢỌ́
Àwòrán Oníhòòhò—Ó Léwu Àbí Kò Léwu?
Ọṣẹ́ wo ni àwòrán oníhòòhò ń ṣe fún ẹni tó ń wò ó àti fún ìdílé?
