Nnwom 106:1-48
106 Munyi Yah ayɛ!*
Monna Yehowa ase, efisɛ oye,+Na ne dɔ nni huammɔ; ɛwɔ hɔ daa.+
2 Hena na obetumi aka Yehowa nnwuma akɛse nyinaa ho asɛm,Na wama nnipa ate n’ayeyi nnwuma nyinaa?+
3 Anigye ne wɔn a wɔde atɛntrenee yɛ adwumaNa wɔyɛ adetrenee bere nyinaa.+
4 O Yehowa, sɛ wodom wo man a, kae me.+
Hwɛ me so na gye me nkwa,
5 Sɛnea ɛbɛyɛ a papa a woyɛ wɔn a woapaw wɔn no, menya mu kyɛfa,+Na ama me ne wo man adi ahurusi,Na me ne w’agyapade de anigye ayi wo ayɛ.*
6 Yɛayɛ bɔne te sɛ yɛn agyanom;+Yɛafom; yɛadi amumɔyɛsɛm.+
7 Yɛn agyanom a na wɔwɔ Egypt no ante w’anwonwadwuma ase.
Wɔankae wo dɔ bebrebe a enni huammɔ no,Na mmom wɔtew atua wɔ po no ho, Ɛpo Kɔkɔɔ no ho.+
8 Nanso ne din nti, ogyee wɔn,+Na ama nnipa ahu ne kɛseyɛ.+
9 Ɔkaa Ɛpo Kɔkɔɔ no anim, na ɛyowee;Odii wɔn anim faa subun no mu te sɛ nea wɔnam sare so;+
10 Ogyee wɔn fii wɔn a wokyi wɔn no nsam;+Ogyee wɔn fii wɔn atamfo nsam.+
11 Nsu no kataa wɔn atamfo no so;Wɔn mu baako mpo anka.*+
12 Saa bere no, wonyaa ne bɔhyɛ mu gyidi,+Na wɔtoo ayeyi dwom maa no.+
13 Nanso ankyɛ na wɔn werɛ fii nea ɔyɛe no;+Wɔantwɛn n’akwankyerɛ.
14 Wɔwɔ sare so no, wodii wɔn akɔnnɔ akyi;+Wɔsɔɔ Onyankopɔn hwɛe wɔ asaase pradadaa no so.+
15 Ɔyɛɛ wɔn abisade maa wɔn,Nanso ɔde ɔyare bɔne bobɔɔ wɔn* ma wɔyɛɛ mmerɛw na wowuwui.+
16 Bere a wɔwɔ asoɛe hɔ no, wɔn ani beree MoseNe Yehowa nipa kronkron+ Aaron.+
17 Ɛnna asaase mu paee, na ɛmenee Datan,Na ɛkataa dɔm a na wɔka Abiram ho no so.+
18 Ogya bɛtɔɔ dɔm no mu;Ogyaframa bɛhyew nnebɔneyɛfo no.+
19 Wɔyɛɛ nantwi ba wɔ Horeb,Na wɔkotow dade honi.*+
20 Anuonyam a anka ɛsɛ sɛ wɔde ma me no,Nantwi a ɔwe wura honi mmom na wɔde maa no.+
21 Wɔn werɛ fii Onyankopɔn+ a ogyee wɔnNa ɔyɛɛ nneɛma akɛse wɔ Egypt no,+
22 Nea ɔyɛɛ anwonwadwuma wɔ Ham asaase so,+Na ɔyɛɛ nneɛma a ɛyɛ hu wɔ Ɛpo Kɔkɔɔ no ho no.+
23 Anka ɔrema wɔatɔre wɔn ase,Nanso Mose a wapaw no no srɛ maa wɔn,*Na ɔtwee n’abufuw a ano yɛ den no sanee.+
24 Asaase kamakama no, wobuu no atantanne,+Na wɔannya gyidi wɔ ne bɔhyɛ mu.+
25 Wonwiinwii wɔ wɔn ntamadan mu,+Na wɔantie Yehowa nne.+
26 Enti ɔmaa ne nsa so kaa wɔn ntamSɛ ɔbɛma wɔawuwu wɔ sare no so;+
27 Ɔbɛma wɔn asefo awuwu wɔ amanaman no mu,Na wabɔ wɔn ahwete nsaase nyinaa so.+
28 Afei wɔkɔsom* Baal-Peor,+Na nneɛma a wɔde bɔɔ afɔre maa nea nkwa nnim na wodii.*
29 Wɔde wɔn nneyɛe hyɛɛ no abufuw,+Na ɔhaw baa wɔn so.+
30 Nanso bere a Finehas sɔre yɛɛ ho biribi no,Ɔhaw no to twae.+
31 Na wobuu no sɛ ɔyɛ ɔtreneeni,Na awo ntoatoaso nyinaa mu, wobebu no saa daa.+
32 Wɔhyɛɛ Onyankopɔn abufuw wɔ Meriba* nsu ho,Na wɔn nti, ewiee Mose bɔne.+
33 Wɔhyɛɛ no ahometew*Ma ɔkasae basabasa.+
34 Wɔantɔre amanaman no ase+Sɛnea Yehowa ka kyerɛɛ wɔn no.+
35 Mmom wɔne amanaman no bɔe,+Na wosuasuaa wɔn nneyɛe.+
36 Wɔkɔsom wɔn abosom,+Na esum wɔn afiri.+
37 Wɔde wɔn mma mmarima ne wɔn mma mmeaBɔɔ afɔre maa ahonhommɔne.*+
38 Wohwiee mogya a edi bem gui;+Wɔde wɔn ankasa mma mmarima ne wɔn mma mmea mogyaBɔɔ afɔre maa Kaananfo abosom,+Na mogyahwiegu maa asaase no ho guu fĩ.
39 Wɔde wɔn nnwuma guu wɔn ho fĩ,Na wɔnam wɔn nneyɛe so ne anyame foforo bɔɔ aguaman.+
40 Enti Yehowa bo fuw ne man denneennen,Na n’agyapade no bɛyɛɛ akyiwade maa no.
41 Mpɛn pii na ɔde wɔn hyɛɛ amanaman no nsa+Sɛnea ɛbɛyɛ a wɔn a wokyi wɔn no bedi wɔn so;+
42 Wɔn atamfo no hyɛɛ wɔn so;Wodii wɔn so tumi.*
43 Mpɛn pii na ogyee wɔn,+Ne nyinaa akyi, wɔkɔɔ so tew atua, na wɔyɛɛ asoɔden,+Na wɔn mfomso nti, ɔbrɛɛ wɔn ase.+
44 Nanso ohuu nea wɔrefa mu,+Na otiee wɔn sufrɛ.+
45 Wɔn nti, ɔkaee n’apam,Na ne dɔ kɛse* a enni huammɔ nti, wɔn asɛm yɛɛ no mmɔbɔ.*+
46 Ɔmaa nkurɔfo a wɔde wɔn yɛɛ nkoa no nyinaa
Huu wɔn mmɔbɔ.+
47 O Yehowa yɛn Nyankopɔn, gye yɛn;+Boaboa yɛn ano fi amanaman no nsam+Na yɛmfa aseda mma wo din kronkron no,Na yɛmfa ahosɛpɛw nyi wo ayɛ.*+
48 Ayeyi nka Israel Nyankopɔn YehowaDaa daa.*+
Ma ɔman no nyinaa nka sɛ, “Amen!”*
Munyi Yah ayɛ!*
Ase Hɔ Nsɛm
^ Anaa “Haleluya!” “Yah” yɛ edin Yehowa a wɔatwa no tiaa.
^ Anaa “ahoahoa yɛn ho.”
^ Anaa “annya ne ti annidi mu.”
^ Anaa “bobɔɔ wɔn kra.”
^ Anaa “honi a wɔagu.”
^ Nt., “gyinaa ɔne wɔn ntam.”
^ Kyerɛ sɛ, afɔre a wɔbɔ ma awufo anaa anyame a nkwa nni wɔn mu.
^ Anaa “wɔde wɔn ho kɔbɔɔ.”
^ Ɛkyerɛ, “Akasakasa.”
^ Nt., “Wɔhyɛɛ ne honhom ahometew.”
^ Anaa “adaemone.”
^ Nt., “Wɔbɛhyɛɛ wɔn nsa.”
^ Anaa “ne dɔ bebrebe.”
^ Anaa “ogyae ma ɛkae.”
^ Anaa “Na yɛn ho nsɛpɛw yɛn wɔ w’ayeyi mu.”
^ Anaa “Fi mmeresanten kosi mmeresanten.”
^ Anaa “Ɛnyɛ hɔ!”
^ Anaa “Haleluya!” “Yah” yɛ edin Yehowa a wɔatwa no tiaa.
