Intembauzyo 76:1-12
Kumweendelezi wanyimbo; lwiimbwe kakulila tuntimbwa. Intembauzyo ya Asafu.+ Lwiimbo.
76 Leza ulizyibidwe mu Juda;+Mu Israyeli izina lyakwe ndipati.+
2 Mayusilo aakwe ali mu Salemu,+Alimwi makkalilo aakwe ali mu Ziyoni.+
3 Ooko wakatyolaula mivwi yabuta iivwilima,Intobo, panga azilwanyo zimwi zyakunkondo.+ (Sela)
4 Yebo ulamweka kapati;*Ulilemekedwe kwiinda zilundu zyabanyama babutambo.
5 Basicamba basaalwa,+
Zyabatola ŋonzi;Basikalumamba boonse babula nguzu.+
6 Akaambo kakukalalilwa anduwe, O Leza wa Jakobo,Sinkalaki zyamutola ŋonzi antoomwe abbiza lyakwe.+
7 Yebo olikke nduwe uuyoosya.+
Ino nguni uukonzya kuliyumya kuti konyemede kapati?+
8 Kuzwa kujulu wakaambilizya lubeta;+Inyika yakayoowa akuumuna wi+
9 Ciindi Leza naakanyamuka kuti abeteke,Kuti afwutule babombe myoyo boonse baanyika.+ (Sela)
10 Nkaambo bukali bwamuntu buyookutembaula;+Yebo uyoolisakatizya bukali bwabo busyeede.
11 Amukonke kuli Jehova Leza wanu akuzuzikizya zikonke zyanu,+Boonse aabo bamuzingulukide abalete cipego cabo kabayoowede.+
12 Walo uyoobombya basololi balisumpula;Ulayoosya kubami baanyika.
Bupanduluzi buyungizyidwe
^ Naa “Yebo uli mumumuni.”
