Intembauzyo 108:1-13
Lwiimbo. Intembauzyo ya Davida.
108 Moyo wangu ulikkalikene, O Leza.
Ndilakwiimbila akukutembaula munyimbo amoyo wangu woonse.*+
2 Kobuka okalumbu; ayebo okantimbwa.+
Ndilafwuma kubuka kakucili kubucedo.
3 Ndinookutembaula akati kabantu, O Jehova,Ndinookwiimbila nyimbo zyakukutembaula akati kamasi.
4 Nkaambo luyando lwako lutamani ndupati, lulasika akujulu,+Akwalo kusyomeka kwako kulasika mumulengalenga.
5 O Leza, kosumpuka kwiinda majulu;Bulemu bwako abube atala aanyika yoonse.+
6 Ikutegwa bayandwa bako bavwunwe,Kotufwutula ajanza lyako lyalulyo alimwi kondivwiila.+
7 Leza waambaula mubusalali bwakwe* ategwa:
“Ndilakondwa, ndilaaba Sekemu+ kuti abe lukono,Alimwi ndilaapaula Kkuti* lya Sukoti.+
8 Gileadi+ nguwangu, awalo Manase nguwangu,Alimwi Efraimu ngonguwe cimpoompo* camutwe wangu;+Juda ngomusako wangu wabwami.+
9 Moabu ndibbavwa lyangu lyakusambila.+
Edomu ndilamuwaalila mpato yangu.+
Ndiloongolola akaambo kakumuzunda Filisitiya.”+
10 Ino nguni utiinditole kumunzi uukwabilidwe?
Ino nguni utiindisololele akundisisya ku Edomu?+
11 Sena toli nduwe, O Leza, iwatukaka,O Leza wesu, ootacuunki limbi ampi zyabasikalumamba besu?+
12 Kotugwasya mumapenzi eesu,+Nkaambo lufwutuko iluzwa kubantu ndwabuyo.+
13 Leza ngonguwe uutiitupe kuba anguzu,+Alimwi walo ulabalyatauka basinkondoma.+
Bupanduluzi buyungizyidwe
^ Mu Chihebrayo, “abulemu bwangu.”
^ Naa ambweni, “mubusena bwakwe busalala.”
^ Naa “Cibanda.”
^ Mu Chihebrayo, “mampangala.”
