Intembauzyo 24:1-10
-
Mwami uulemekwa wanjila kumilyango
-
“Nyika njiya Jehova” (1)
-
Intembauzyo ya Davida. Lwiimbo.
24 Nyika njiya Jehova azintu zyoonse izili mulinjiyo,+Nyika mbotu abaabo bakkala mulinjiyo.
2 Nkaambo wakaisimpa alwizi+Akwiikkazika cakusitikila amilonga.
3 Ino nguni uunga watanta mucilundu ca Jehova,+Alimwi nguni uunga wanyamuka mubusena bwakwe busalala?
4 Nguyooyo watacita mulandu amaanza aakwe alimwi uusalala mumoyo,+Ooyo watakonka cakubeja muzina lyangu,*Nokuba kukonkezya calweeno.+
5 Muntu ooyo uyootambula zileleko kuli Jehova+Abululami kuli Leza walufwutuko lwakwe.+
6 Eeli ndezyalani lyabaabo bamuyandaula,Aabo ibayandaula busyu bwako, O Leza wa Jakobo. (Sela)
7 Amwiintamune mitwe, nywebo nomilyango;+Amujaluke,* nywebo nomanjililo aansiku,Kutegwa Mwami uulemekwa anjile!+
8 Ino nguni Mwami ooyu uulemekwa?
Ngu Jehova imuyumu alimwi singuzu,+Jehova, singuzu munkondo.+
9 Amwiintamune mitwe, nywebo nomilyango;+Amujaluke, nywebo nomanjililo aansiku,Kutegwa Mwami uulemekwa anjile!
10 Ino nguni Mwami ooyu uulemekwa?
Jehova wamakamu—ngonguwe Mwami uulemekwa.+ (Sela)
Bupanduluzi buyungizyidwe
^ Naa “watakonka cakubeja kubelesya buumi bwangu,” nkokuti, buumi bwa Jehova.
^ Naa “Amunyamuke.”
