Yona 3:1-10
3 Ndipo neno la Yehova likamjia Yona mara ya pili likisema:+
2 “Inuka, nenda Ninawi+ lile jiji kubwa, ukalitangazie ujumbe ninaokuambia.”
3 Basi Yona akatii neno la Yehova,+ akainuka na kwenda Ninawi.+ Sasa Ninawi lilikuwa jiji kubwa sana*—mtu anayetembea kwa miguu angezunguka jiji hilo kwa siku tatu.
4 Ndipo Yona akaingia jijini, akatembea safari ya siku moja akitangaza hivi: “Bado siku 40 tu, jiji la Ninawi litaangamizwa.”
5 Watu wa Ninawi wakamwamini Mungu,+ nao wakatangaza watu wafunge na kuvaa magunia, kuanzia aliye mkubwa zaidi hadi aliye mdogo zaidi.
6 Ujumbe huo ulipomfikia mfalme wa Ninawi, aliinuka kutoka kwenye kiti chake cha ufalme, akavua vazi lake la kifalme, akavaa nguo za magunia, na kuketi katika majivu.
7 Pia, akaamuru tangazo hili litolewe katika jiji lote la Ninawi:
“Kwa agizo la mfalme na wakuu wake: Hakuna mwanadamu yeyote wala mnyama yeyote wa kufugwa anayepaswa kula kitu chochote. Hawapaswi kula chakula wala hawapaswi kunywa maji.
8 Wote wavae magunia, mwanadamu na mnyama; na wamwite Mungu kwa bidii na kuacha njia zao ovu na matendo yao ya ukatili.
9 Ni nani anayejua ikiwa Mungu wa kweli hatafikiria upya* jambo analokusudia kufanya na kuacha hasira yake inayowaka, ili tusiangamie?”
10 Mungu wa kweli alipoona waliyofanya, jinsi walivyoacha njia zao ovu,+ akafikiria upya kuhusu* msiba aliosema kwamba angewaletea, naye hakuuleta.+
Maelezo ya Chini
^ Tnn., “jiji kubwa mbele za Mungu.”
^ Au “hataghairi kuhusu.”
^ Au “akaghairi kuhusu.”
