1. Yéhuwa pangangon abdi,

Nu nungtun, nyalindungan.

Abdi teu aya kakirangan,

Sagala dicumponan.

Ku Yah, abdi disarengan,

Dibawa ka sampalan.

Kanyaah Huwa ngabingbing abdi

Hirup aman tur tengtrem.

Kanyaah-Na ngabingbing abdi

Hirup aman tur tengtrem.

2. Gusti masihan tungtunan

Ku jalan bebeneran.

Abdi moal nepi ka nyimpang,

Teu weléh diélingan.

Sanajan nyorang bahaya,

Ku Gusti t’rus diraksa.

Ku lantaran nyobat sareng Gusti,

Abdi boga kawani.

Lantaran nyobat sareng Gusti,

Abdi boga kawani.

 3. Yéhuwa pangangon abdi,

Ku abdi dituturkeun.

Gusti anu ngajait abdi,

Nengtremkeun tur nguatkeun.

Mun terus muntang ka Gusti,

Harepan jadi pasti.

Mugia asih, pangaping Gusti

Terus nyarengan abdi.

Mugi asih pangaping Gusti

Terus nyarengan abdi.