E toetoe o aiga uma e iai tulafono, e pei o le taimi e tatau ai ona e sau i le fale, le faaaogāina o masini faaonapōnei, ma le auala e feutagaʻi ai ma isi.

 Ae ā pe afai ua e solia se tulafono a ou mātua? E lē mafai ona e suia le mea ua tupu, ae e mafai ona e faaitiitia le faafitauli. O le a faailoa atu i lenei mataupu le auala e te faia ai faapea.

•  Mea e lē tatau ona fai

•  Mea e tatau ona fai

•  Tala a isi talavou

•   Pe afai e lē iloa e ou matua na e solia se la tulafono, e ono faaosoosoina oe e nanā le mea sesē na e faia.

•   Pe a iloa e ou mātua ua e solia se la tulafono, e ono faaosoosoina oe e fai ni faamolemolega pe tuuaʻia se isi.

 E lē saʻo uma na manatu. Aiseā? O le taumafai e nanā le mea na tupu po o le faia o faamolemolega, e taʻu mai ai e faatamaitiiti au mea e fai. E faailoa atu ai i ou mātua, e leʻi taitai ona faatagata matua lou mafaufau.

 “E lē mafai e le pepelo ona foʻia le faafitauli. E iai le taimi o le a iloa mulimuli ane ai e ou matua le mea moni, ona sili atu lea ona mamafa le faasalaga nai lo le faasalaga e iai, pe ana e tautala saʻo i le amataga.”—Diana.

•   Taʻu saʻo le mea na e faia. Ua faapea mai le Tusi Paia: “O lē ua ufiufi i ana solitulafono e lē taulau manuia o ia.” (Faataoto 28:13) E iloa e ou matua e te lē lelei atoatoa. Peitaʻi, e la te mananaʻo e te faamaoni.

   “E mafai ona faamagaloina oe e ou matua pe a e taʻu saʻo le mea moni. O lou tautala saʻo o le a maufaatuatuaina ma talitonuina ai oe e ou matua.”—Olivia.

•   Faatoese atu. Ua faapea mai le Tusi Paia: “Ia fusia foʻi outou uma i le lotomaulalo.” (1 Peteru 5:5) O le lotomaulalo e te faapea atu ai “Ou te faatoese atu,” nai lo le faia o ni faamolemolega.

   “O tagata e fai ma masani le faia o faamolemolega, e latou te lē popole pe a faia se mea sesē.”—Heather.

•   Talia Aafiaga. Ua faapea mai le Tusi Paia: “Ia faalogo i mea e aʻoaʻo atu.” (Faataoto 8:33) ʻAlofia le faitio, ae talia aʻoaʻiga mai ou matua.

   “O le tele e te faitio ai i le aʻoaʻiga, o le tele foʻi lenā o aafiaga lē lelei e oo i ai. Taumafai e talia faasaʻoga, ae

•   Atiaʻe le maufaatuatuaina. Ua faapea mai le Tusi Paia: “Ia outou tuu ese le tagata tuai e tusa ai ma a outou amioga sa faia muamua.” (Efeso 4:22) Ia faia filifiliga atamai ina ia toe maufaatuatuaina ai oe e ou mātua.

   “Pe a faaauau pea ona e faia filifiliga atamai ma faailoa atu i ou mātua e te lē toe faia le mea sesē, o le a la toe maufaatuatuaina ai oe.”—Karen

 FESOASOANI: Ia faia mea uma ina ia faamaonia atu ai e mafai ona maufaatuatuaina oe. Mo se faataʻitaʻiga, pe a e alu ese ma le fale, ia faailoa i ou mātua le taimi e te toe foʻi mai ai, e tusa lava pe e te lē tuai mai. O le a taʻu atu ai iā i laʻua, e te manaʻo e la te toe maufaatuatuaina oe.