အလ္လာ

(မရှိ)

“အလ္လာ” ဆိုတဲ့စကားလုံးက ကိုယ်ပိုင်နာမည်မဟုတ်ဘဲ အာရပ်ဘာသာစကားကနေ ဆင်းသက်လာတဲ့ “ဘုရား” ဆိုတဲ့ အဓိပ္ပာယ်ရှိတဲ့ ဘွဲ့နာမည်သာ ဖြစ်တယ်။ အာရပ်စကားအပြင် တချို့ဘာသာစကားတွေနဲ့ ပြန်ဆိုထားတဲ့ကျမ်းစာတွေမှာ “အလ္လာ” ကို “ဘုရား” အစား အသုံးပြုလေ့ ရှိတယ်။

အနန္တတန်ခိုးရှင်

ကမ္ဘာဦး ၁၇:၁

ပြိုင်ဘက်ကင်းတဲ့တန်ခိုး ရှိတယ်။ ဟီဘရူးလို ʼEl Shad·daiʹ၊ “အနန္တတန်းခိုးရှင် ဘုရားသခင်” ဆိုတဲ့ အသုံးအနှုန်း ကျမ်းစာထဲမှာ ခုနစ်ကြိမ်ပါတယ်။

အာလဖနဲ့ ဩမေဃ

ဗျာဒိတ် ၁:၈။ ၂၁:၆။ ၂၂:၁၃

“အစနဲ့ အဆုံး” ဒါမှမဟုတ် “အဦးဆုံးနဲ့ နောက်ဆုံး” ဆိုတဲ့အဓိပ္ပာယ်ရှိပြီး ယေဟောဝါရဲ့ ရှေ့မှာရော နောက်မှာပါ အနန္တတန်ခိုးရှိတဲ့ ဘယ်ဘုရားမှ မရှိဘူးလို့ ဆိုလိုတယ်။ (ဟေရှာယ ၄၃:၁၀) အာလဖနဲ့ ဩမေဃ ဆိုတာက ဂရိအက္ခရာမှာ အစနဲ့ အဆုံး စကားလုံးတွေဖြစ်တယ်။

အသက်အကြီးဆုံးအရှင်

ဒံယေလ ၇:​၉၊ ၁၃၊ ၂၂

အစမရှိဘူး။ ဘယ်သူ၊ ဘယ်အရာမှ မတည်ရှိခင်ကတည်းက ကိုယ်တော်တည်ရှိနှင့်ပြီး ဖြစ်တယ်။​—ဆာလံ ၉၀:၂။

ဖန်ဆင်းရှင်

ဟေရှာယ ၄၀:၂၈

အရာအားလုံးကို ဖြစ်ပေါ်စေတယ်။

ဖခင်

မဿဲ ၆:၉

အသက်ပေးသူဖြစ်တယ်။

ဘုရားသခင်

ကမ္ဘာဦး ၁:၁

ကိုးကွယ်ထိုက်တဲ့အရာ၊ ခွန်အားကြီးမားသူ ဖြစ်တယ်။ ဟီဘရူးစကားလုံး ’Elo.him’ ဟာ အများကိန်းဖြစ်တဲ့အတွက် ယေဟောဝါရဲ့ မြင့်မြတ်မှု၊ ဂုဏ်ကြီးမားမှု ဒါမှမဟုတ် သာလွန်ကောင်းမြတ်မှုကို တင်စားတယ်။

ဘုရားတို့ရဲ့ ဘုရား

တရားဟောရာ ၁၀:၁၇

တချို့ကိုးကွယ်တဲ့ “အသုံးမဝင်တဲ့ ဘုရားတွေ” နဲ့ မတူဘဲ အကြီးမြတ်ဆုံးဘုရား ဖြစ်တယ်။​—ဟေရှာယ ၂:၈။

မဟာသွန်သင်ရှင်

ဟေရှာယ ၃၀:​၂၀၊ ၂၁

အကျိုးပြုတဲ့ သွန်သင်ချက်နဲ့ လမ်းညွှန်ချက်တွေ ပေးတယ်။​—ဟေရှာယ ၄၈:​၁၇၊ ၁၈။

မဟာဖန်ဆင်းရှင်

ဆာလံ ၁၄၉:၂

အရာခပ်သိမ်းကို ဖန်ဆင်းခဲ့တယ်။​—ဗျာဒိတ် ၄:၁၁။

ပျော်ရွှင်တဲ့ ဘုရား

၁ တိမောသေ ၁:၁၁

ဝမ်းမြောက်ရွှင်လန်းတဲ့ဘုရား ဖြစ်တယ်။​—ဆာလံ ၁၀၄:၃၁။

ဆုတောင်းသံကို နားထောင်တဲ့အရှင်

ဆာလံ ၆၅:၂

ယုံကြည်ခြင်းနဲ့ ဆုတောင်းသူတွေရဲ့အသံကို ကိုယ်တိုင်နားထောင်တယ်။

ငါဖြစ်သည်အတိုင်းငါဖြစ်၏

ထွက်မြောက်ရာ ၃:​၁၄၊ ယုဒသန်ကျမ်း

ကိုယ်တော့်ရည်ရွယ်ချက်ပြည့်စုံစေဖို့ လိုအပ်တာမှန်သမျှ ဖြစ်လာနိုင်တယ်။ ဒီအသုံးအနှုန်းကို ‘ငါဖြစ်ချင်တာမှန်သမျှ ငါဖြစ်လာမယ်’ ဒါမှမဟုတ် “ငါသည် ငါဖြစ်၏” လို့လည်း ဘာသာပြန်ဆိုကြတယ်။ ဒါက နောက်အခန်းငယ်မှာပါတဲ့ ဘုရားသခင့် ကိုယ်ပိုင်နာမည် ယေဟောဝါရဲ့ အဓိပ္ပာယ်ဖြစ်တယ်။​—ထွက်မြောက်ရာ ၃:၁၅။

စိတ်ထက်သန်အားကြီးတဲ့ဘုရား

ထွက်မြောက်ရာ ၃၄:​၁၄၊ သမ္မာကျမ်းစာတော်။

ဝတ်ပြုရေးနဲ့ပတ်သက်ရင် “ပြိုင်ဖက်မထားတဲ့ဘုရား” ဖြစ်ပြီး ကိုယ်တော်တစ်ပါးတည်းကိုသာ ကိုးကွယ်ဖို့ တောင်းဆိုတဲ့ဘုရား ဖြစ်တယ်။—God’s Word Bible; ကမ္ဘာသစ်ဘာသာပြန်ကျမ်း။

ထာဝရဘုရင်

ဗျာဒိတ် ၁၅:၃

ကိုယ်တော်ရဲ့အုပ်ချုပ်မှုက အစမရှိ အဆုံးမရှိပါ။

သခင်

ဆာလံ ၁၃၅:၅

ပိုင်ရှင် ဒါမှမဟုတ် အုပ်ချုပ်သူ ဖြစ်တယ်။ ဟီဘရူးစကားလုံးက ʼA·dhohnʹ နဲ့ ʼAdho·nimʹ ဖြစ်တယ်။

ကောင်းကင်ဗိုလ်ခြေအရှင်

ဟေရှာယ ၁:၉။ ရောမ ၉:​၂၉၊ ယုဒသန်။

ကောင်းကင်တမန်တပ်မဟာကြီးရဲ့ စစ်သေနာပတိဖြစ်တယ်။ “ကောင်းကင်ဗိုလ်ခြေအရှင်” ဆိုတဲ့ ဘွဲ့အမည်ကို “ဗိုလ်ခြေတို့ရဲ့အရှင် ယေဟောဝါ” နဲ့ “ဗိုလ်ခြေတို့အရှင်” လို့လည်း ခေါ်ဆိုနိုင်တယ်။​—ရောမ ၉:​၂၉၊ ကမ္ဘာသစ်ဘာသာပြန်ကျမ်း။ သမ္မာကျမ်းစာတော်။

အမြင့်ဆုံးအရှင်

ဆာလံ ၄၇:၂

အမြင့်မြတ်ဆုံး ရာထူး ရှိထားတယ်။

အသန့်ရှင်းဆုံးအရှင်

သုတ္တံ ၉:၁၀

တခြားမည်သူထက်မဆို (ကျင့်ဝတ်တရား စင်ကြယ်ပြီး ဖြူစင်တဲ့) ပိုသန့်ရှင်းသူ ဖြစ်တယ်။

အိုးထိန်းသမား

ဟေရှာယ ၆၄:၈

အိုးထိန်းသမားက ရွှံ့ကို ပုံသွင်းနိုင်သလို လူတစ်ဦးချင်းစီနဲ့ လူမျိုးတွေအပေါ် အခွင့်အာဏာရှိသူဖြစ်တယ်။​—ရောမ ၉:​၂၀၊ ၂၁။

ပြန်ဝယ်ယူတဲ့အရှင်၊ ရွေးနုတ်ရှင်

ဟေရှာယ ၄၁:၁၄

ယေရှုခရစ်ရဲ့ ရွေးနုတ်ဖိုးပူဇော်သကာနဲ့ လူတွေကို အပြစ်နဲ့သေခြင်းကနေ ရွေးနုတ် ဒါမှမဟုတ် ပြန်ဝယ်ယူခဲ့တယ်။​—ယောဟန် ၃:၁၆။

ကျောက်ဆောင်

ဆာလံ ၁၈:​၂၊ ၄၆

လုံခြုံတဲ့ခိုလှုံရာဖြစ်ပြီး ကယ်တင်ပေးတယ်။

ကယ်တင်ရှင်

ဟေရှာယ ၄၅:၂၁

အန္တရာယ် ဒါမှမဟုတ် ပျက်စီးခြင်းဘေးကနေ ကယ်နုတ်ပေးတယ်။

သိုးထိန်း

ဆာလံ ၂၃:၁

ကိုယ်တော့်အား ကိုးကွယ်သူတွေကို ဂရုစိုက်တယ်။

အချုပ်အခြာအာဏာပိုင်ရှင်

ကမ္ဘာဦး ၁၅:၂

အမြင့်မြတ်ဆုံး အာဏာပိုင်ရှင် ဖြစ်တယ်။ ဟီဘရူးစကားလုံးʼAdho·naiʹ ဖြစ်တယ်။

အမြင့်မြတ်ဆုံးအရှင်

ဒံယေလ ၇:​၁၈၊ ၂၇

အမြင့်မြတ်ဆုံး အာဏာပိုင်ရှင် ဖြစ်တယ်။

ယေဟောဝါယိရေ

ကမ္ဘာဦး ၂၂:​၁၃၊ ၁၄

“ယေဟောဝါ ပြင်ဆင်ပေးမယ်။”

ယေဟောဝါနိသိ

ထွက်မြောက်ရာ ၁၇:၁၅

“ယေဟောဝါဟာ ငါ့ခိုလှုံရာ” ဒါမှမဟုတ် “ယေဟောဝါဟာ ငါ့ရဲ့အောင်လံ” ဖြစ်တယ်။ ဘုရားရဲ့လူတွေ အကာအကွယ်နဲ့ အကူအညီရဖို့ ယေဟောဝါဆီ စုရုံးလာနိုင်တယ်။​—ထွက်မြောက်ရာ ၁၇:​၁၃-၁၆။

ယေဟောဝါရှာလုံ

တရားသူကြီး ၆:​၂၃၊ ၂၄

“ယေဟောဝါဟာ ငြိမ်သက်ခြင်း။”

ယေဟောဝါရှမ္မ

ယေဇကျေလ ၄၈:၃၅

“ယေဟောဝါ စံမြန်းရာမြို့။”