ရန်သူသေခြင်းကို ဘယ်လို အနိုင်ယူမလဲ
ကနဦးမိဘ အာဒံနဲ့ ဧဝရဲ့ မနာခံမှုကြောင့် လူသားအားလုံး အပြစ်ရှိပြီး သေရပေမဲ့ လူ့မိသားစုအတွက် ဘုရားရည်ရွယ်ချက်က မပြောင်းလဲပါဘူး။ မိမိရည်ရွယ်ချက် မပြောင်းလဲကြောင်း နှုတ်ထွက်စကားတော် သမ္မာကျမ်းစာမှာ အကြိမ်ကြိမ် ဖော်ပြထားတယ်။
-
“ဖြောင့်မတ်သူတွေဟာ ကမ္ဘာမြေကို ပိုင်ဆိုင်ပြီး ထာဝစဉ် နေထိုင်ရလိမ့်မယ်။”—ဆာလံ ၃၇:၂၉။
-
“သေမင်းကိုလည်း ထာဝစဉ် ဖယ်ရှားမယ်။ အချုပ်အခြာအာဏာပိုင်ရှင် ယေဟောဝါက လူအားလုံးရဲ့ မျက်ရည်ကို သုတ်ပေးမယ်။”—ဟေရှာယ ၂၅:၈။
-
“နောက်ဆုံးရန်သူဖြစ်တဲ့ သေခြင်းဟာ ဖျက်ဆီးခံရလိမ့်မယ်။”—၁ ကောရိန္သု ၁၅:၂၆။
-
“သေခြင်းရှိတော့မှာ မဟုတ်ဘူး။ ငိုကြွေးမြည်တမ်းခြင်း၊ အော်ဟစ်ခြင်း၊ နာကျင်ခြင်းလည်း ရှိတော့မှာ မဟုတ်ဘူး။”—ဗျာဒိတ် ၂၁:၄။
ဘုရားသခင်က “သေမင်းကို” ဘယ်လို “ဖယ်ရှား” မလဲ။ ဘယ်လို ဖျက်ဆီးမလဲ။ “ဖြောင့်မတ်သူတွေဟာ . . . ထာဝစဉ် နေထိုင်ရလိမ့်မယ်” လို့ ကျမ်းစာ အတိအလင်း ဖော်ပြထားတယ်။ “ကောင်းတာတွေ အမြဲလုပ်ပြီး အပြစ်မလုပ်ဖူးတဲ့ ဖြောင့်မတ်သူဆိုတာ ကမ္ဘာပေါ်မှာ မရှိဘူး” လို့လည်း ဆိုထားတယ်။ (ဒေသနာ ၇:၂၀) သေခြင်းကို အနိုင်ရဖို့ ဘုရားသခင်က မိမိစံနှုန်းကို ပစ်ပယ်လိုက်မလား။ လုံးဝ မဖြစ်နိုင်ဘူး။ “မုသာမသုံးတဲ့ ဘုရားသခင်” ဖြစ်လို့ အဲဒီလို ဘယ်တော့မှ ပစ်ပယ်မှာ မဟုတ်ဘူး။ (တိတု ၁:၂) ဒါဆိုရင် လူသားတွေကို မေတ္တာပါစွာ ဖန်ဆင်းရတဲ့ ရည်ရွယ်ချက် ပြည့်စုံအောင် ဘုရားသခင် ဘာလုပ်မလဲ။
ဘုရားသခင်က “သေမင်းကိုလည်း ထာဝစဉ် ဖယ်ရှားမယ်။”—ဟေရှာယ ၂၅:၈
ရွေးဖိုး ပေးပြီး သေခြင်းကို အနိုင်ယူခြင်း
ယေဟောဝါဘုရားက ရွေးဖိုး ပေးပြီး လူသားတွေကို သေခြင်းက ကယ်နုတ်ဖို့ မေတ္တာပါစွာ စီစဉ်ခဲ့တယ်။ ရွေးဖိုးရဲ့ အခြေခံသဘောတရားကတော့ ထိခိုက်ပျက်စီးမှုတွေ ကာမိစေဖို့ ဒါမှမဟုတ် တရားမျှတမှု ရှိဖို့ ညီမျှတဲ့တန်ဖိုး ပေးခြင်း ဖြစ်တယ်။ လူသားအားလုံး အပြစ်သားတွေ ဖြစ်ပြီး သေဒဏ်အောက်မှာ ရှိနေကြတဲ့အတွက် “သူတို့တစ်ယောက်မှ ကိုယ့်ညီအစ်ကိုကို မရွေးနိုင်ဘူး။ ညီအစ်ကိုအတွက် ရွေးဖိုးကို ဘုရားသခင်ဆီ မပေးနိုင်ဘူး။ (အသက်အတွက် ရွေးဖိုးဟာ တန်ဖိုးကြီးလွန်းလို့ သူတို့ ဘယ်တော့မှ တတ်နိုင်မှာ မဟုတ်ဘူး)” လို့ ကျမ်းစာမှာ အတိအလင်း ဆိုထားတယ်။—ဆာလံ ၄၉:၇၊ ၈။
မစုံလင်တဲ့လူသား သေတဲ့အခါ ကိုယ့်အပြစ်အတွက်ပဲ ကျေနိုင်တယ်။ ကိုယ့်ကိုယ်ကိုယ် မရွေးနိုင်သလို သူတစ်ပါးအပြစ်အတွက်လည်း မပေးဆပ်နိုင်ဘူး။ (ရောမ ၆:၇) မိမိအပြစ်အတွက် မဟုတ်ဘဲ ကျွန်တော်တို့ရဲ့ အပြစ်တွေအတွက် အသက်ပေးမယ့် ပြည့်ဝစုံလင်တဲ့၊ အပြစ်မဲ့တဲ့ လူပုဂ္ဂိုလ်တစ်ဦး လိုတယ်။—ဟီဘရူး ၁၀:၁-၄။
ဘုရားသခင်က အဲဒီအတိုင်းပဲ အတိအကျ စီစဉ်ပေးခဲ့တယ်။ သားတော်ယေရှုကို ကောင်းကင်ကနေ မြေကြီးပေါ် စေလွှတ်ပြီး ပြည့်ဝစုံလင်တဲ့၊ အပြစ်မဲ့တဲ့လူသားအဖြစ် မွေးဖွားစေခဲ့တယ်။ (၁ ပေတရု ၂:၂၂) “လူအများအတွက် ရွေးဖိုးအဖြစ် အသက်ပေးဖို့ ရောက်လာတာ” လို့ ယေရှု ပြောခဲ့တယ်။ (မာကု ၁၀:၄၅) ရန်သူသေခြင်းကို အနိုင်ယူဖို့ အသေခံခဲ့တဲ့အတွက် ကျွန်တော်တို့ အသက်ရှင်နိုင်ပြီ။—ယောဟန် ၃:၁၆။
သေခြင်းကို ဘယ်တော့ အနိုင်ယူမလဲ
ကျမ်းစာဟောကိန်း ပြည့်စုံတဲ့အနေနဲ့ “အလွန် ခက်ခဲကျပ်တည်း” တဲ့ ဒီစနစ်ဆိုးရဲ့ “နောက်ဆုံးကာလ” မှာ ကျွန်တော်တို့ အသက်ရှင်နေကြတယ်။ (၂ တိမောသေ ၃:၁) နောက်ဆုံးကာလဟာ “ဘုရားတရားမဲ့သူတွေကို ဖျက်ဆီးမယ့်နေ့၊ တရားစီရင်မယ့်နေ့” မှာ အဆုံးတိုင်ပါလိမ့်မယ်။ (၂ ပေတရု ၃:၃၊ ၇) ဘုရားသခင်ကို ချစ်တဲ့သူတွေကတော့ ဖျက်ဆီးမခံရဘဲ “ထာဝရအသက်” ရကြပါလိမ့်မယ်။—မဿဲ ၂၅:၄၆။
လူသန်းပေါင်းများစွာဟာ အသက်ပြန်ရှင်လာကြတဲ့အခါ ထာဝရအသက်ရှင်မယ့် အလားအလာ ရရှိကြပါမယ်။ နာအိနမြို့ကို လုကာ ၇:၁၁-၁၅) တမန်တော်ပေါလုကလည်း “ဖြောင့်မတ်သူရော မဖြောင့်မတ်သူတွေပါ ရှင်ပြန်ထမြောက်လာမယ့်အကြောင်း . . . ကျွန်တော်လည်း ဘုရားသခင်ကို အမှီပြုပြီး မျှော်လင့်ပါတယ်” လို့ ပြောခဲ့တယ်။ ဒီခိုင်မာတဲ့မျှော်လင့်ချက်ဟာ လူတွေကို ဘုရားသခင် ချစ်ကြောင်း ထူးခြားတဲ့သက်သေပါပဲ။—တမန်တော် ၂၄:၁၅။
ရောက်ခဲ့စဉ်က လူတစ်ဦးကို အသက်ပြန်ရှင်အောင် ယေရှု လုပ်ပေးခဲ့တယ်။ မုဆိုးမရဲ့ တစ်ဦးတည်းသောသား သေသွားတယ်။ ယေရှုက “သနားစိတ် ယိုဖိတ်လာပြီး” အသက်ပြန်ရှင်စေခဲ့တယ်။ (လူသန်းထောင်ချီဟာ ထာဝစဉ် အသက်ရှင်ဖို့ မျှော်လင့်နိုင်ကြတယ်။ “ဖြောင့်မတ်သူတွေဟာ ကမ္ဘာမြေကို ပိုင်ဆိုင်ပြီး ထာဝစဉ် နေထိုင်ရလိမ့်မယ်” လို့ ကျမ်းစာမှာ ဆိုထားတယ်။ (ဆာလံ ၃၇:၂၉) အဲဒီအချိန်ကျရင် လွန်ခဲ့တဲ့အနှစ် ၂,၀၀၀ ခန့်က ရေးခဲ့တဲ့ တမန်တော်ပေါလုရဲ့ အောက်ပါစကားအတိုင်း ဖြစ်လာတာကို ကိုယ်တွေ့ ကြုံရမှာမို့ အလွန်ကျေနပ်ပျော်ရွှင်ကြရပါမယ်။ “သေမင်း၊ မင်းရဲ့အောင်ပွဲ ဘယ်မှာလဲ။ သေမင်း၊ မင်းရဲ့အဆိပ်ဆူး ဘယ်မှာလဲ။” (၁ ကောရိန္သု ၁၅:၅၅) လူသားတွေရဲ့ ရန်သူကြီး သေခြင်းကို အနိုင်ယူပြီး ဖြစ်ပါလိမ့်မယ်။