Nsango ya Biblia na mokuse
Biblia ezali buku oyo ekabolami mingi na mokili, mpe bato mingi bazwaka yango na valɛrɛ mingi. Kasi, okoki komituna: ‘Buku yango ezali kolobela nini?’
Mwa buku Biblia ezali na nsango nini? emonisi polele nsango ya Biblia na mokuse oyo ekoki kosalisa yo mpo okanga na mokuse ntina ya motó ya likambo ya Biblia. Mwa buku yango ezali na nsango ya Biblia na mokuse, kobanda na bozalisi oyo mokanda ya Ebandeli elobeli tii na elikya kitoko mpo na mikolo ezali koya oyo mokanda ya Emoniseli elobeli. Mwa buku yango etandi makambo ndenge elandanaki mpo na komonisa ntango nini makambo yango ya ntina esalemaki. Ezali mpe na bililingi ya kitoko, mpe na mituna oyo ekotinda yo okanisa na mozindo mpo na kolobela yango.
Tángá mwa buku Biblia ezali na nsango nini? na Internet.
Talá mpe...
BISALELI MPO NA KOYEKOLA BIBLIA
Mokapo ya mokolo
Ndenge moko na losambo ya mokolo na mokolo, mwa buku Tótángaka Makomami mokolo na mokolo epesaka mokapo moko mpe mwa komantɛrɛ ya mokuse oyo elimboli mokapo yango.
BISALELI MPO NA KOYEKOLA BIBLIA
Buku Étude perspicace
Buku Étude perspicace ezali na mitó ya makambo mikemike ebele. Elobeli bato, bisika, milona, banyama, makambo ya ntina oyo esalemaki, mpe maloba ya elilingi oyo ezali na Biblia. Buku yango oyo ezali na Internet ezali mpe na bakarte, bafoto, mpe bililingi, ezala mpe mitó ya makambo mpe Index ya bavɛrsɛ.
BISALELI MPO NA KOYEKOLA BIBLIA
Mokanda oyo ezali kolakisa karte ya bisika oyo Biblia elobeli
Mokanda “Voyez le bon pays” etondi na bakarte, mpe batablo oyo ezali komonisa bisika ndenge na ndenge ya mikili oyo Biblia elobeli, mingimingi Mokili ya Ndaka na bileko ndenge na ndenge.