Mokapo ya mokolo
Mwa buku Tótángaka Makomami mokolo na mokolo epesi mokapo moko ya Biblia mpo na mokolo na mokolo, mpe komantɛrɛ mpo na mokapo yango. Mwa buku yango ekoki kosalisa yo obanda mokolo na makanisi malamu mpe ya kolendisa oyo euti na Biblia.
Atako okoki kotánga mokapo yango mpe komantɛrɛ na yango na ngonga nyonso oyo olingi, bato mingi bamonaka malamu kotánga yango na ntɔngɔ. Mpe makanisi na yango ekoki kotikala na motó na yo mokolo mobimba. Soki ozali na libota, bokoki mpe kozwa matomba na mokapo yango soki bozali kotalela yango elongo mokolo na mokolo.
Okoki kotánga mokapo ya mokolo na Watchtower MIKANDA OYO EZALI NA INTERNET, to okoki kozwa mikapo nyonso ya mbula mobimba na PDF na site Internet.
Talá mpe...
BISALELI MPO NA KOYEKOLA BIBLIA
Buku Étude perspicace
Buku Étude perspicace ezali na mitó ya makambo mikemike ebele. Elobeli bato, bisika, milona, banyama, makambo ya ntina oyo esalemaki, mpe maloba ya elilingi oyo ezali na Biblia. Buku yango oyo ezali na Internet ezali mpe na bakarte, bafoto, mpe bililingi, ezala mpe mitó ya makambo mpe Index ya bavɛrsɛ.
BISALELI MPO NA KOYEKOLA BIBLIA
Mokanda oyo ezali kolakisa karte ya bisika oyo Biblia elobeli
Mokanda “Voyez le bon pays” etondi na bakarte, mpe batablo oyo ezali komonisa bisika ndenge na ndenge ya mikili oyo Biblia elobeli, mingimingi Mokili ya Ndaka na bileko ndenge na ndenge.
BISALELI MPO NA KOYEKOLA BIBLIA
Nsango ya Biblia na mokuse
Mwa buku Biblia ezali na nsango nini? ezali na nsango ya Biblia, mpe motó ya likambo ya Biblia na mokuse.