ესაია 11:1—16
11 ამოვა ყლორტი+ იესეს+ ძირკვიდანდა მისი ფესვის ამონაყარი+ ნაყოფს გამოიღებს.
2 მასზე დაივანებს იეჰოვას სული,+სიბრძნისა+ და გონიერების სული,
რჩევისა და ძლევამოსილების სული,+
ცოდნისა და იეჰოვას შიშის სული.
3 სიამოვნებას მოჰგვრის მას იეჰოვას შიში.+
შესახედაობით არ გაასამართლებს,არც მოსმენილით შეაგონებს.+
4 სამართლიანად გაასამართლებს საწყლებსდა სიმართლით შეაგონებს ხალხს დედამიწის თვინიერთა გულისთვის.
დაჰკრავს დედამიწას თავისი პირიდან გამოსულ კვერთხს,+თავისი ბაგეთა ამონასუნთქით დახოცავს ბოროტებს.+
5 წელი სამართლიანობით ექნება შემოსარტყლულიდა თეძო — ერთგულებით.+
6 მგელი ბატკნის გვერდით დაისვენებს+და ჯიქი* თიკნის გვერდით დაწვება,
ხბო, ლომი და ნასუქი პირუტყვი ერთად იქნებიან*+
და პატარა ბიჭი წაუძღვება მათ.
7 ძროხა და დათვი ერთად მოძოვენდა მათი ნაშიერები ერთმანეთის გვერდით დაწვებიან;
ლომიც კი ხარივით შეჭამს ჩალას.+
8 ძუძუთა ბავშვი კობრას ხვრელთან ითამაშებს,ძუძუს მოწყვეტილი ბავშვი შხამიანი გველის სოროს დააფარებს ხელს.
9 ზიანს აღარავის მიაყენებენ+და აღარაფერს მოსპობენ მთელ ჩემს წმინდა მთაზე,+რადგან დედამიწა იეჰოვას ცოდნით აივსება,როგორც ზღვაა წყლით სავსე.+
10 იმ დღეს იესეს+ ფესვი ნიშნად იდგება ხალხებისთვის.+
ყველა ხალხი მას მიმართავს ხელმძღვანელობისთვის+და დიდებული იქნება მისი მოსასვენებელი ადგილი.
11 იმ დღეს იეჰოვა მეორედ გაიწვდის ხელს, რათა შეკრიბოს თავისი ხალხიდან დარჩენილები ასურეთიდან,+ ეგვიპტიდან,+ ფათროსიდან,+ ქუშიდან,+ ელამიდან,+ შინარიდან*, ხამათიდან და ზღვის კუნძულებიდან.+
12 ის ნიშანს აღუმართავს ერებს და შეკრებს გაფანტულ ისრაელებს,+ გაფანტულ იუდეველებსაც შეკრებს დედამიწის ოთხივე კიდიდან.+
13 გაქრება ეფრემის შური+და მოისპობიან იუდას მიმართ მტრულად განწყობილნი.
ეფრემს აღარ შეშურდება იუდასი,აღარც იუდა უმტრობს ეფრემს.+
14 დააცხრებიან ფილისტიმის ფერდობებს დასავლეთში;ერთად გაძარცვავენ აღმოსავლეთის ხალხს.
ედომსა+ და მოაბს+ მოუღერებენ ხელსდა მათ დაემორჩილებიან ამონელები.+
15 იეჰოვა გაყოფს* ეგვიპტის ზღვის ყურეს+და ხელს მოუქნევს მდინარეს*;+
თავისი მწველი ამონასუნთქით დაჰკრავს მის შვიდ ნაკადს*
და ხალხს სანდლებით გაატარებს;
16 გზას+ გაკვალავს ასურეთიდან თავისი ხალხიდან დარჩენილთათვის+ ისე,როგორც ეგვიპტიდან ისრაელის გამოსვლის დღეს.
სქოლიოები
^ ან შესაძლოა: „ხბო და ლომი ერთად შეჭამენ“.
^ იგივე ლეოპარდი.
^ იგივე ბაბილონეთი.
^ ან შესაძლოა: „დააშრობს“.
^ იგულისხმება ევფრატი.
^ ან შესაძლოა: „დაყოფს მას შვიდ ნაკადად“.
