Baịbụl Ọ̀ Ga-enyeliri Mụ na Ezinụlọ M Aka Ịna-ebi n’Udo?
Ihe Baịbụl kwuru
Ee. Ọ ga-enyeliri unu aka. Lee ihe ụfọdụ Baịbụl kwuru nke nyeerela ọtụtụ nde mmadụ aka ịna-ebi n’udo n’ezinụlọ ha:
Lụọnụ otú iwu kwuru. Ọ bụrụ na nwoke na nwaanyị alụọ dị ka iwu si kwuo, ha abụọ amarakwa na ha abụrụla otu ná ndụ ha niile, ọ ga-eme ka ha na-ebi n’udo.—Matiu 19:4-6.
Hụnụ ibe unu n’anya, na-akwanyekwaranụ ibe unu ùgwù. Otu ụzọ unu ga-esi eme ya bụ ịna-emeso ibe unu otú unu ga-achọ ka e si mesoo unu.—Matiu 7:12; Ndị Efesọs 5:25, 33.
Unu agwakwala ibe unu okwu ọjọọ. Medaa obi na-agwa di gị ma ọ bụ nwunye gị okwu, ọ bụrụgodị na ihe o kwuru ma ọ bụ ihe o mere kpasuru gị iwe. (Ndị Efesọs 4:31, 32) N’Ilu 15:1, Baịbụl sịrị na “azịza dị nro na-eme ka ọnụma laa, ma okwu ọjọọ na-akpasu iwe.”
Unu agbakwala n’èzí. Achụkwala nwoke ma ọ bụ nwaanyị. (Matiu 5:28) Baịbụl sịrị: “Ka alụmdi na nwunye bụrụ ihe kwesịrị nsọpụrụ n’etiti mmadụ niile, ka ihe ndina alụmdi na nwunye gharakwa ịbụ ihe e merụrụ emerụ.”—Ndị Hibru 13:4.
Jirinụ ịhụnanya na-azụ ụmụ unu. Unu adịla na-agbachi ụmụ unu nkịtị ma ha mee ihe ọjọọ. Ma, unu ejikwala aka ike na-azụ ha.—Ilu 29:15; Ndị Kọlọsi 3:21.
Isiokwu A Nwekwara Ike Ịmasị Gị
UNU GA-ENWELI OBI ỤTỌ N’EZINỤLỌ UNU
Chineke Ga-enyere Unu Aka Ịna-ebi n’Udo
Naanị ichebara ajụjụ abụọ dị mkpa echiche ga-enyere gị aka ka gị na di gị ma ọ bụ nwunye gị na-ebi n’udo.
AJỤJỤ NDỊ BAỊBỤL ZARA
Gịnị Ka ‘Ịsọpụrụ Nna Gị na Nne Gị Pụtara’?
O nwere ike iju gị anya ma ị chọpụta ihe iwu a na-apụtaghị.
ALỤMDI NA NWUNYE NA EZINỤLỌ
Otú Ị Ga-esi Abụ Ezigbo Nna
Ụdị di ị bụ ugbu a ga-egosi ụdị nna ị ga-abụ ma nwunye gị mụọ nwa.
GBASARA ANYỊ
Gwa Anyị Ka Anyị na Gị Mụwa Baịbụl
A ga-eji Baịbụl zaa gị ajụjụ ị jụrụ, ma ọ bụkwanụ mee ka ị matakwuo gbasara Ndịàmà Jehova.