Dünya liderlərinin müharibənin qarşısını almaq cəhdlərinə baxmayaraq, 24 fevral 2022-ci il tarixində səhər saatlarında Rusiya Ukraynanı işğal etməyə başlayıb. Bu müharibə dünyadakı vəziyyətə necə təsir edəcək? BMT-nin baş katibi Antonio Quterreş bir neçə gün əvvəl deyib: «İnsan iztirabları, dağıntılar, Avropa və qlobal təhlükəsizliyə dəyəcək ziyan o dərəcədə böyükdür ki, onu təsəvvür etmək belə mümkün deyil».

•   İsa Məsih bu cür hadisələrin baş verəcəyini peyğəmbərlik etmişdi. O demişdi: «Millət millətə qarşı, dövlət dövlətə qarşı qalxacaq» (Mətta 24:7). «Axırzamanda yaşayırıq?» adlı məqaləni oxuyun və görün İsa Məsihin müharibələr barədə söylədiyi peyğəmbərlik necə yerinə yetir.

•   Müqəddəs Kitabın «Vəhy» bölməsində müharibələr «kürən at»ın belində oturan və «yer üzündən sülhü [götürən]» atlı ilə təmsil olunub. «Axırzaman carçıları və gələcəyiniz» adlı məqaləni oxuyun və görün bu peyğəmbərlik bu gün baş verən müharibələrlə necə əlaqəlidir.

•   Müqəddəs Kitabın «Dənyal» bölməsində «şimal padşahı» ilə «cənub padşahı» arasındakı qarşıdurma peyğəmbərlik edilmişdi (Dənyal 11:25—45). «Yerinə yetmiş peyğəmbərlik. Dənyal 11-ci fəsil» adlı videoya baxın və görün nəyə görə Rusiya və onun müttəfiqləri şimal padşahı hesab edilir a.

•   «Vəhy» kitabında həm də «Qadir Allahın böyük günündə olacaq [müharibədən]» bəhs edilir (Vəhy 16:14, 16). Amma Qadir Allahın müharibəsi indi millətlər arasında gedən bu müharibə kimi olmayacaq. Gələcək hadisələr barədə əlavə məlumat üçün «Armageddon müharibəsi nədir?» adlı məqaləni oxuyun.

•   Müqəddəs Kitabda deyilir ki, Allah «yerin bir ucundan o biri ucunadək döyüşləri [kəsəcək]» (Zəbur 46:9). Allahın vəd etdiyi gözəl gələcək barədə öyrənmək üçün «Gözəl gələcəyə real ümid» adlı məqaləni oxuyun.

•   İsa davamçılarını Allahın Padşahlığının gəlişi barədə dua etməyi öyrətmişdi (Mətta 6:9, 10). Padşahlıq göydə qurulmuş hökumətdir. O, Allahın yer üzünə dair niyyətini həyata keçirəcək, o cümlədən bütün yer üzündə sülhü bərqərar edəcək. Allahın Padşahlığının nələr edəcəyi barədə öyrənmək üçün «Allahın Padşahlığı» adlı videoya baxın.

 Ukraynada 129 000-dən çox Yehovanın Şahidi yaşayır. Başqa ölkələrdəki dindaşları kimi, onlar da İsadan nümunə götürərək siyasi məsələlərdə bitərəf mövqe tuturlar və müharibələrdə iştirak etmirlər (Yəhya 18:36). Bütün dünyada Yehovanın Şahidləri Padşahlıq haqqında müjdəni təbliğ etməyə davam edirlər və yalnız bu Padşahlığın, müharibələr də daxil olmaqla, bəşəriyyətin bütün problemlərinə son qoyacağını bəyan edirlər (Mətta 24:14). Müqəddəs Kitabın verdiyi ümid barədə daha çox öyrənmək üçün bizimlə əlaqə saxlayın.