22 MAART 2023 | BYGEWERK: 28 APRIL 2023
RUSLAND

JONGSTE NUUS – BROER SKULDIG BEVIND | “Vasbeslote om te doen wat Jehovah ook al van my vra”

SPEEL

Op 28 April 2023 het die Asja-stadshof van die Tsjeljabinsk-streek broer Wadim Fedorof skuldig bevind en hom ’n opgeskorte vonnis van ses jaar gegee. Hy hoef nie op hierdie stadium tronk toe te gaan nie.

Profiel

Wadim Fedorof

Gebore: 1968 (Rudny, Kazakstan)

Agtergrond: Werk as ’n vraghanteerder

Trou met Ljoebof in 1991. Hulle het vyf kinders

Hy het gehou van die Bybelse belofte oor die ewige lewe. Hy en sy vrou is in 1993 as Jehovah se Getuies gedoop

Persoonlike kommentare

Hoe het die voorbeelde van ander wat vervolg word, jou aangemoedig?

Ek het die geleentheid gehad om met ’n paar broers en susters wat onlangs vir hulle geloof vervolg is, te praat. Ek was veral aangemoedig nadat ek met broer Nikolai Kuzitsjkin gepraat het. Hy was baie siek terwyl hy in die tronk was. Maar ten spyte van sy ouderdom en sy gesondheid was ek beïndruk met hoe hy gepraat het en sy vermoë om lang dele van die Bybel te onthou. Dit was duidelik hoe lief hy vir God se Woord is en dat hy ’n sterk verhouding met Jehovah het. Dit het my herinner dat nie ouderdom, gesondheidsprobleme of tronkstraf kan keer dat jy ’n goeie vriend van Jehovah kan wees nie. Terwyl ek na Nikolai geluister het, het ek onthou dat die krag wat bo die normale is, van Jehovah af kom.

Watter eienskap help hierdie moeilike omstandighede jou om te ontwikkel?

Ek is van nature ’n impulsiewe mens. Soms maak ek besluite gebaseer op my emosies. Hierdie ondervinding help my om meer geduldig te wees, veral as ek op Jehovah moet wag en hom toelaat om my lewe te rig. Ek is vasbeslote om te doen wat Jehovah ook al van my vra.

Soos Wadim, het ons die vertroue dat Jehovah diegene wat aanhou om op hom te hoop en ‘sy weg te volg’, sal seën en versterk. – Psalm 37:34.

Tydlyn

11 Junie 2021

Polisiemanne het die huise van Wadim en sy seun, Andrei, deursoek
29 April 2022

Wadim word krimineel aangekla
1 Desember 2022

Kriminele saak begin

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE