IS DIT ONTWERP?
Die langhoringsprinkaan se merkwaardige gehoor
’N LANGHORINGSPRINKAAN (Copiphora gorgonensis) wat in Suid-Amerika voorkom, het ore van minder as ’n millimeter lank, wat op ’n baie soortgelyke manier as die mens se ore werk. Die insek kan op ’n lang afstand ’n groot verskeidenheid frekwensies onderskei. Hy kan byvoorbeeld onderskei tussen die geluid van ’n ander langhoringsprinkaan en die ultrasoniese klank van ’n vlermuis wat jag.
LANGHORING- SPRINKAAN SE OOR
Dink hieraan: Die langhoringsprinkaan se ore is op sy twee voorbene. Soos met die mens se oor die geval is, kan die langhoringsprinkaan se oor klank opvang, dit verwerk en die frekwensie ontleed. Maar wetenskaplikes het ’n unieke orgaan binne die oor van hierdie insek ontdek—’n drukvaste holte vol vloeistof wat soos ’n lang ballon lyk. Hierdie orgaan, wat die klankblasie genoem word, werk soos die koglea van soogdiere, maar is baie kleiner. Die klankblasie is verantwoordelik vir die langhoringsprinkaan se merkwaardige gehoor.
Professor Daniel Robert, van die Universiteit van Bristol se Fakulteit van Biologiese Wetenskappe in die Verenigde Koninkryk, sê dat hierdie ontdekking ingenieurs sal help om “biologies geïnspireerde gehoortoestelle te ontwikkel wat kleiner en akkurater is as ooit tevore”. Navorsers meen dat dit ook sal bydra tot meer gevorderde ultrasoniese ingenieurstegnologie, insluitende beeldstelsels vir hospitale.
Wat dink jy? Het die merkwaardige gehoor van die langhoringsprinkaan deur middel van evolusie ontstaan? Of is dit ontwerp?
Jy sal dalk ook hiervan hou
ONTWAAK!
Die vorm van die skulp
Die vorm en struktuur van skulpe beskerm die skulpdiertjies wat daarin woon.
ONTWAAK!
Die briljante blou van die Pollia-bessie
Hierdie bessie het geen blou pigment nie, tog het dit die helderste blou kleur wat nog aan ’n plant gesien is. Wat gee hierdie bessie dan sy pragtige kleur?
ONTWAAK!
Die see-otter se vel
Baie soogdiere wat in koue water lewe, het ’n dik laag vet onder hulle vel om hulle warm te hou. Maar die see-otter het ’n ander geheim.
ONTWAAK!
Die manier waarop die heuningby land
Hoekom kan die manier waarop heuningbye land, help om robotvliegtuie te verbeter?
ONTWAAK!
Die hitteskerm van die silwermier
Hierdie insek kan onder geweldige hoë temperature lewe. Hoe is dit moontlik?
ONTWAAK!
Die bissus van die seemossel
Seemossels heg hulle aan voorwerpe vas deur middel van drade. As ’n mens verstaan hoe dit werk, kan dit help om nuwe en beter maniere te vind om toerusting aan geboue of senings aan bene te heg.
