LIED 115
Dankbaar vir God se geduld
-
1. Groot God, Jehovah, lief vir die reg,
groot is u krag en rein u weg.
Boosheid vind ons die wêreld deur,
dit bring groot pyn, dit maak ons seer.
U is nie traag, soos mense beweer;
ja, u geduld het perke, o Heer.
(REFREIN)
Ons word gevul met hoop en moed.
Vader, ons loof u, want u is goed.
-
2. Wat u, o God, as een dag ervaar,
is vir die mens soos duisend jaar.
Tyd stap nou aan na u groot dag;
dit kom betyds, dit sal nie wag.
U haat die kwaad, maar toon elke keer
blydskap as sondaars hulle bekeer.
(REFREIN)
Ons word gevul met hoop en moed.
Vader, ons loof u, want u is goed.
(Sien ook Neh. 9:30; Luk. 15:7; 2 Pet. 3:8, 9.)