Psalms 40:1-17
Vir die musiekleier. Van Dawid. ’n Melodie.
40 Ek het vurig gehoop op* Jehovah,en hy het afgebuk om na my te luister en my geroep om hulp gehoor.+
2 Hy het my uit ’n bruisende put opgetrek,uit die slymerige modder.
En hy het my voete op ’n groot rots laat staan.
Hy het my op vaste grond laat loop.
3 Toe het hy ’n nuwe lied in my mond gesit,+’n loflied aan ons God.
Baie sal met ontsag toekyken op Jehovah vertrou.
4 Gelukkig is die man wat op Jehovah vertrouen nie op opstandiges of leuenaars* nie.
5 Hoeveel dinge het u tog gedoen,o Jehovah my God,u wonderlike werke en u gedagtes teenoor ons.+
Niemand kan met u vergelyk word nie.+
As ek sou probeer om dit te vertel en om daarvan te praat,sou dit te veel wees om op te noem!+
6 U wou nie ’n offerande of ’n offergawe hê nie,*+maar u het my ore geopen om te kan hoor.+
U het nie brandoffers en sonde-offers gevra nie.+
7 Toe het ek gesê: “Kyk, ek het gekom.
In die boekrol is daar oor my geskryf.+
8 Dit is vir my ’n vreugde,* o my God, om u wil te doen,+en u wet is diep binne-in my.+
9 Ek verkondig die goeie nuus van regverdigheid in die groot gemeente.+
Kyk! Ek bly nie stil nie,+soos u goed weet, o Jehovah.
10 Ek bedek nie u regverdigheid in my hart nie.
Ek maak u getrouheid en redding bekend.
In die groot gemeente steek ek nie u lojale liefde en u waarheid weg nie.”+
11 O Jehovah, moenie u genade van my terughou nie.
Mag u lojale liefde en u waarheid my heeltyd bewaar.+
12 Die rampe wat my omring, is te veel om te tel.+
Ek word oorweldig deur soveel van my sondes dat ek nie kan sien waar ek gaan nie.+
Dit is meer as die hare op my kop,en ek het moed verloor.
13 O Jehovah, wees asseblief bereid om my te red.+
O Jehovah, kom tog gou en help my.+
14 Mag almal wat my wil doodmaak,skaam kry en verneder word.
Mag dié wat bly is oor my rampspoed,in skande terugtrek.
15 Mag dié wat vir my sê: “Aha! Aha!”ontsteld wees as gevolg van hulle eie skande.
16 Maar laat dié wat u dien,*+van vreugde uitroep en bly wees as gevolg van u.+
Mag almal wat lief is vir u reddingsdade, altyd sê:
“Mag Jehovah verheerlik word.”+
17 Maar ek is hulpeloos en arm.
Mag Jehovah aan my aandag skenk.
U is my helper en my redder.+
My God, moenie te lank wag voordat u kom nie.+
Voetnote
^ Of “geduldig gewag vir”.
^ Of “dié wat vals is”.
^ Of “het nie vreugde gevind in . . . nie”.
^ Of “Dit is my begeerte”.
^ Lett. “soek”.