Gu nebi nangia Moize agumba gupai nga, ka ani gisangba ga Mbori arugute, ani nika gbia gako maku. (Pa Fu Rugute ni Ue he 10:13; 11:27) Ani agianga sangba Mbori mbiko gupai nga ani nagunde be gako mbusa te. Gu wene asino du ti Mbori nafõngbadurani yo ani gi sangbako mbiko ani ima kpinyemuko na ani naida ka ne manga gupai nika ba gberãrago tiko. “Gi nga du na nyemu Mbori re, nga ka ani kuti gako rugute.”—1 Yoane 5:3.

Ono wai gu pa gia ani sangba Mbori aye na gako amaku? Mo makianga agene ue.

“Mi nga Yekova ga Mbori, nayugo pai foro sa u, . . . nangbe ku mbata yo foro ngba gu gene mo ka ndu ngba ha.”—YESAYA 48:17.

Yekova Mbori nga bakusirani, ima ino rani na ko nafu gu rugute furani ani aidaha. Ka ani aida gupai nga gako ayugopai undo rani tipa ani mangi agu adiaberã du na tatamana, ani du wa ka ani wirikipai rogo Ziazia Kekeapai yo tipa gupai Mbori aida ani mangihe, na fuoho, ani ki moi agu apai re ku rogo mangimangipai yo.

“Aboro maku [ngbarago] nga agu yo ti gure, nagia ga Mbori pai, ki nika kuti ni!”—RUKA 11:28.

Areme, agu amirioni aboro nagiasangba Fugo Mbori, nagbia ndikidi ngbarago. Ni kpiapai, mo makianga gupai naadu tipa kura kumba sa du Sepania yo nga guko nanaazinga ni wiri ipo na kini mangi fu aboro gbegberẽ kodihe na diako. Rogo kura uru sa, ko agedi gu kekeapai gu nebi nangia Moize akehe tipa gu zezeredi sino naadu ti Yosefa nangia wiri Yakobo. I abagi Yosefa ni kanga na i ki bako ku bambukiso yo ngba iraira gene; wa si avura duwo, ko anye ni bayee ko, na zereda, na kidu na mbupai. (Bambata Pai, akapita 37-45) Gu kumba du Sepania yo re nagumba gupai nga: “Pa berã mi kurii gu kpiapai nangia ga Yosefa afõngbadureyo mi sonosi agu asino nga ga zera, weneringise, gbiati zatise. Ni sangbana gipai re, mi awere na ngbarago rogo gimi raka yo.”

Ziazia Kekeapai nafu badungu arugute tipa wai si aida ani mangipai fu kura aboro. Mo makianga pai tipa gipai re ni bakerehe rogo gu kekeapai ngbefuo gere.