Mga Salmo 1:1-6
1 Malipayon an tawo nga diri nasunod uyon ha sagdon han magraotNgan diri natindog ha aragian han magpakasasala+Ngan diri nalingkod ha lingkoran han magtamay.+
2 Kondi an iya kalipay aada ha balaud ni Jehova,+Ngan ginbabasa niya an Iya balaud ha mahinay nga tingog* ha adlaw ngan gab-i.+
3 Magigin pariho hiya hin kahoy nga igintanom hirani ha mga sapa,Usa nga kahoy nga nagbubunga ha panahon han pamunga hito,An mga dahon hito diri nalalaya.
Ngan an ngatanan nga iya ginbubuhat maglalampos.+
4 Diri sugad hito an magraot;Pariho hira han upa nga iginpapalid han hangin.
5 Ito an hinungdan nga an magraot diri makakapabilin nga natindog ha paghukom;+An magpakasasala diri liwat makakapabilin nga natindog ha ginkakatirokan han magtadong.+
6 Kay hi Jehova maaram han dalan han magtadong,+Pero an dalan han magraot mawawara.+
Mga footnote
^ O “ginpapamalandong niya an Iya balaud.”
