Musi ni tshi thetshelesa mafhungo a shango, khamusi no no zwi ṱhogomela uri nga zwiṅwe zwifhinga vhurereli vhu shumiselwa u ita vhutshinyi. A si vhurereli hoṱhe vhu bvaho ha Mudzimu wa ngoho. (Mateo 7:15) I ngoho, vhathu vhanzhi vho xedzwa.—Vhalani 1 Yohane 5:19.

Naho zwo ralo, Mudzimu u vhona vhathu vha mbilu dzavhuḓi, vhane vha funa zwo lugaho na ngoho. (Yohane 4:23) Mudzimu u khou ramba vhenevho vhathu uri vha gude ngoho i re Ipfini ḽawe, Bivhili.—Vhalani 1 Timotheo 2:3-5.

Yehova Mudzimu u khou ita uri vhathu vha bvaho kha vhurereli ho fhamba-fhambanaho vha vhe na vhuthihi nga u vha funza ngoho na u vha funza uri vha funane. (Mixa 4:2, 3) Nga zwenezwo, ni nga kona u vhona vhagwadameli vha ngoho nga nḓila ine vha ṱhogomelana ngayo.—Vhalani Yohane 13:35.

Vhagwadameli vha ngoho vha thea lutendo lwavho na nḓila ine vha tshila ngayo Bivhilini. (2 Timotheo 3:16) Vha dovha vha hulisa dzina ḽa Mudzimu. (Psalme ya 83:18) Nahone vha themendela Muvhuso wa Mudzimu sa ḽone fulufhelo ḽi ḽoṱhe ḽa vhathu. (Daniele 2:44) Vha edzisa Yesu nga u ita uri ‘tshedza tshavho tshi vhonetshele,’ nga u itela vhaṅwe vhathu zwithu zwivhuya. (Mateo 5:16) Nga zwenezwo, Vhakriste vha ngoho vha nga ṱalulwa nga u dalela vhaṅwe vhathu na nga u ya miḓini yavho, u itela u vha vhudza mafhungo maḓifha a Muvhuso wa Mudzimu.—Vhalani Mateo 24:14; Mishumo 5:42; 20:20.