Ҳикматлар 28:1–28
28 Ёвуз уни ҳеч ким қувмаса ҳам қочади,Одил эса шер каби довюракдир+.
2 Агар юртда қонун бузилса*, беклар бирин-кетин алмашаверади+,Ақл-идрокли ва билимли кишининг кўмаги билан бек узоқ ҳукм суради+.
3 Бечорани алдаган+ қашшоқБор егуликни ювиб кетган ёмғир кабидир.
4 Қонунни поймол қилганлар бадкирдорни шарафлайди,Қонунга амал қилганлар бўлса улардан ғазабланади+.
5 Ёвуз одам адолатни тушунмайди,Яҳовани излаганлар эса барча нарсани англайди+.
6 Эгри йўлдан юрган бой кишидан кўра,Бенуқсонлик йўлида юрган камбағал яхшироқдир+.
7 Фаросатли ўғил қонунга риоя қилади,Очкўзга ошна бўлган эса отасини иснодга қолдиради+.
8 Фоизу судхўрлик эвазига бойлик йиққаннинг бор нарсаси+,Камбағалга меҳр кўрсатганга қолади+.
9 Қонунга қулоқ солмайдиганнингИбодати ҳам жирканчдир+.
10 Тўғрини ёмон йўлга бошловчи қазиган чоҳига ўзи тушади+,Аммо бенуқсон киши яхшилик топади+.
11 Бой одам ўзини доно ҳисоблайди+,Идрокли камбағал эса унинг ичидагини билади+.
12 Одиллар зафар қозонса олқишлар ёғилади,Золимлар ҳокимиятга чиқса халқ яширинади+.
13 Гуноҳларини бекитган муваффақиятга эришмайди+,Уларни тан олиб, соқит қилганга эса раҳм-шафқат кўрсатилади+.
14 Ўз юриш-туришига ҳамиша эҳтиёткор бўлганлар бахтлидир,Аммо юрагини тош қилган фалокатга учрайди+.
15 Бечора халқни бошқараётган золим ҳукмдорЎкираётган шер, ташланаётган айиқ кабидир+.
16 Идроксиз раҳбар ҳокимиятни суиистеъмол қилади+,Ҳаром фойдадан нафратланган эса ўз умрини узайтиради+.
17 Хунрезликда айбдор инсон гўрга кирмагунча қочиб юради+,
Ҳеч ким уни қўллаб-қувватламасин.
18 Бенуқсонлик йўлида юрган қутқарилади+,Эгри йўлдан юрган эса кутилмаганда йиқилади+.
19 Ерига ишлов берганнинг нони сероб бўлади,Беҳуда нарса кетидан қувганнинг боши қашшоқликдан чиқмайди+.
20 Садоқатли киши мўл-кўл барака топади+,Бойиб кетишга ошиққан эса гуноҳга ботади+.
21 Юзхотирчилик қилиш яхши эмас+.Бир бурда нонни деб инсон ёмонликка қўл уриши ҳеч гап эмас.
22 Ҳасадгўй* қашшоқликка йўлиқишини билмай,Бойликнинг кетидан қувади.
23 Одамга панд-насиҳат берган киши+Хушомадгўйдан кўра кўпроқ илтифот топади+.
24 «Бу гуноҳ эмас»,— дея ота-онасини шилган+,
Қароқчиларнинг шеригидир+.
25 Очкўз* одам жанжал чиқаради,Яҳовага таянган киши эса равнақ топади+.
26 Ўз қалбига ишонган аҳмоқдир+,Донолик ила йўл тутган омон қолади+.
27 Фақир билан бўлишган йўқчилик кўрмайди+,Улардан кўзини олиб қочган эса қарғишга учрайди.
28 Золимлар ҳокимиятга чиқса халқ яширинади,Улар ҳалок бўлса одиллар кўпаяди+.