Ҳикматлар 22:1–29
22 Яхши ном катта бойликдан афзалроқ+,Ҳурмат қозониш кумушу олтиндан аълороқдир.
2 Бою камбағалнинг битта ўхшашлиги бор:
Икковини ҳам Яҳова яратган+.
3 Заковатли инсон хавфни кўриб яширинади,Тажрибасиз эса олға қадам босиб жазосини тортади.
4 Камтаринлик ва Яҳовадан қўрқишБойлик, шон-шараф ва ҳаёт демакдир+.
5 Эгри одамнинг сўқмоғи тикану тузоқларга тўла,Ҳаётини* қадрлайдиган эса улардан узоқроқ юради+.
6 Болани тарбиялаб, тўғри йўлга сол+,Ҳатто улғайганда ҳам ундан оғмайди+.
7 Бой одам камбағал устидан ҳукм суради,Қарздор қарз берувчига қул бўлади+.
8 Адолатсизлик эккан, фалокат ўриб олади+,Унинг ғазаб таёғи синдирилади+.
9 Сахий инсон барака топади,Чунки таомини камбағал билан бўлишади+.
10 Мазахчини ҳайдаб юбор,Шунда жанжал ҳам тугайди,
Баҳс-мунозараю ҳақоратга чек қўйилади.
11 Софдилликни севганни, ширинсўз одамниШоҳ ҳам ўзига дўст деб билади+.
12 Яҳованинг кўзлари билимни асрайди,Хоинларнинг сўзларини эса йўққа чиқаради+.
13 Ялқов: «Ташқарида шер юрибди!
У ерга чиқсам, мени тилка-пора қилади!»+ — дейди.
14 Бузуқ аёлнинг оғзи чуқур чоҳ кабидир+.
Яҳова ҳукм этган одам унга қулайди.
15 Аҳмоқлик боланинг қалбига ўрнашган+,Бироқ тарбия таёғи уни соқит қилади+.
16 Бойиш учун камбағални алдайдиган+,Бадавлатга ҳадялар берадиганОхири ночорликка учрайди.
17 Қулоқ тутиб, дононинг сўзларини тингла+,Шунда билимимни қалбингга жо қиласан+.
18 Уларни доим қалбингда сақлаб+,Тилингдан асло туширмасанг, нақадар яхши!+
19 Яҳовага таянишинг учун,Бугун сенга билим беряпман.
20 Бундан олдин ҳам сенга ёзиб,Маслаҳату йўл-йўриқ бермаганмидим?!
21 Сени юборганга аниқ хабар етказишинг учун,Ҳақ ва ишончли сўзларни ўргатмаганмидим?!
22 Камбағални камбағал деб талама+,Шаҳар дарвозаси олдида бечорага зулм ўтказма+.
23 Чунки уларнинг масаласини Яҳованинг Ўзи кўриб чиқади+,Уларни алдаганларни У ҳаётдан маҳрум этади.
24 Аччиғи тез одамга шерик бўлма,Жиззаки кишига қўшилиб қолма.
25 Йўқса, унинг сўқмоқларини ўрганиб,Жонингни тузоққа туширасан+.
26 Қўл сиқишиб гаров ўйнайдиганлар,Ўзганинг қарзи учун кафил бўладиганлар орасида юрма+.
27 Агар тўлашга ҳеч вақоинг бўлмаса,Ётган тўшагинг тортиб олинади.
28 Қадимда ота-боболаринг ўрнатганЧегара белгисини силжитма+.
29 Ўз ишига маҳоратли одамни кўрганмисан?
У оддий инсонлар эмас,Шоҳлар ҳузурида туради+.
Изоҳлар
^ Ёки «жонини».