اَمثال 17:1-28
17 جس گھر میں امن* ہو وہاں سُوکھی روٹی کا نوالہاُس گھر میں بڑی ضیافت* سے بہتر ہے جہاں جھگڑا ہو۔
2 گہری سمجھ رکھنے والا خادم اُس بیٹے پر حکمرانی کرے گا جو شرمناک کام کرتا ہے؛وہ خادم اُس کے بھائیوں کی طرح وراثت میں حصےدار بنے گا۔
3 چاندی کے لیے کُٹھالی* ہوتی ہے اور سونے کے لیے بھٹیجبکہ دلوں کو یہوواہ پرکھتا ہے۔
4 بُرا شخص تکلیفدہ باتوں پر دھیان دیتا ہےاور دھوکےباز شخص نقصاندہ باتوں پر کان لگاتا ہے۔
5 جو شخص غریب کا مذاق اُڑاتا ہے، وہ اُس کے خالق کی توہین کرتا ہےاور جو شخص کسی کی مصیبت پر خوش ہوتا ہے، وہ سزا سے نہیں بچے گا۔
6 پوتے* بوڑھے شخص کا تاج ہوتے ہیںاور باپ* اپنے بیٹوں* کی شان ہوتے ہیں۔
7 سچی* باتیں بےوقوف شخص کو زیب نہیں دیتی۔
تو پھر جھوٹی باتیں ایک حکمران* کو کیسے زیب دیں گی؟
8 تحفہ اپنے مالک کے لیے ایک قیمتی پتھر کی طرح ہوتا ہے؛*اِس کی وجہ سے اُسے اپنے ہر کام میں کامیابی ملتی ہے۔
9 جو گُناہ معاف کرتا ہے،* وہ محبت ظاہر کرتا ہےلیکن جو بار بار اِس کا ذکر چھیڑتا ہے، وہ قریبی دوستوں میں پھوٹ ڈالتا ہے۔
10 سمجھدار شخص کے لیے ایک ڈانٹ ہی کافی ہوتی ہےلیکن احمق شخص پر سو ڈنڈوں کا بھی کوئی اثر نہیں ہوتا۔
11 بُرا شخص صرف بغاوت کرنے کا سوچتا ہے؛اُسے سزا دینے کے لیے بےرحم قاصد کو بھیجا جائے گا۔
12 اُس ریچھنی کا سامنا کرنا جس سے اُس کے بچے چھین لیے گئے ہوںاُس احمق کا سامنا کرنے سے بہتر ہے جو اپنی بےوقوفی میں ڈوبا ہو۔
13 اگر کوئی اچھائی کا بدلہ بُرائی سے دیتا ہےتو بُرائی اُس کے گھر سے کبھی دُور نہیں ہوگی۔
14 لڑائی کی شروعات پانی کے بند کھولنے* کی طرح ہے؛جھگڑا بڑھنے سے پہلے وہاں سے نکل جاؤ۔
15 یہوواہ اُس سے بھی گِھن کھاتا ہے جو بُرے شخص کو بےقصور ٹھہراتا ہےاور اُس سے بھی جو نیک شخص کو قصوروار ٹھہراتا ہے۔
16 اگر ایک احمق شخص کے پاس دانشمندی حاصل کرنے کا ذریعہ ہولیکن اُس کے دل میں اِسے حاصل کرنے کی خواہش نہ ہو* تو کیا فائدہ؟
17 سچا دوست ہمیشہ محبت ظاہر کرتا ہےاور مصیبت کی گھڑی میں ایک بھائی ثابت ہوتا ہے۔*
18 جس شخص میں سمجھ کی کمی ہوتی ہے،وہ اپنے پڑوسی کے سامنے ہاتھ ملا کر کسی کی ضمانت دینے کے لیے راضی ہو جاتا ہے۔
19 جو جھگڑے سے پیار کرتا ہے، وہ گُناہ سے پیار کرتا ہے۔
جو اپنا دروازہ اُونچا کرتا ہے، وہ تباہی کو دعوت دیتا ہے۔
20 جن لوگوں کے دل میں کھوٹ ہے، وہ کامیاب نہیں ہوں گے*اور جو دھوکے سے بھری باتیں کرتا ہے، وہ برباد ہو جائے گا۔
21 احمق بچے کا باپ غم جھیلے گااور ناسمجھ بچے کے باپ کو کوئی خوشی نہیں ملے گی۔
22 خوشباش دل اچھی دوا ہے*لیکن دل* کی اُداسی ساری طاقت نچوڑ لیتی ہے۔*
23 بُرا شخص اِنصاف کا خون کرنے کے لیےچوری چھپے رشوت* لیتا ہے۔
24 دانشمندی سُوجھبُوجھ رکھنے والے شخص کے سامنے ہوتی ہےلیکن احمق شخص کی نظریں زمین کے کونے کونے تک بھٹکتی رہتی ہیں۔
25 احمق بیٹا اپنے باپ کے لیے غم کا باعث بنتا ہےاور اپنی ماں کے لیے تکلیف* کا۔
26 نیک شخص کو سزا دینا* غلط ہےاور عزتدار لوگوں کو کوڑے مارنا صحیح نہیں ہے۔
27 جس شخص کے پاس علم ہوتا ہے، وہ سنبھل کر بولتا ہےاور سُوجھبُوجھ رکھنے والا شخص پُرسکون رہتا ہے۔
28 بےوقوف شخص بھی خاموش رہے تو اُسے دانشمند سمجھا جاتا ہےاور جو اپنے ہونٹ سی لیتا ہے، اُسے سمجھدار مانا جاتا ہے۔
فٹ نوٹس
^ یا ”خاموشی“
^ عبرانی میں: ”قربانیوں“
^ مٹی کا ایک برتن جس میں چاندی کو پگھلا کر خالص کِیا جاتا ہے
^ یا ”پوتے پوتیاں اور نواسے نواسیاں“
^ یا ”ماں باپ“
^ یا ”بچوں“
^ یا ”اچھی“
^ یا ”نواب“
^ یا ”ایک ایسا پتھر ہوتا ہے جس سے اُسے فائدہ ہوتا ہے؛“
^ عبرانی میں: ”پر پردہ ڈالتا ہے،“
^ عبرانی میں: ”پانی چھوڑنے“
^ یا ”لیکن اُس میں سمجھ کی کمی ہو“
^ عبرانی میں: ”اور ایک ایسا بھائی ہوتا ہے جو مصیبت کی گھڑی کے لیے پیدا ہوا ہے۔“
^ عبرانی میں: ”اُن کے ساتھ اچھا نہیں ہوگا“
^ یا ”شفابخش ہے“
^ عبرانی میں: ”روح“
^ یا ”ہڈیوں کو سُکھا دیتی ہے۔“
^ عبرانی میں: ”کے لیے سینے سے نکلی رشوت“
^ عبرانی میں: ”تلخی“
^ یا ”پر جُرمانہ لگانا“
