Тәүрат, Зәбур, Инҗил һәм пәйгамбәрләр китапларында, ягъни Изге Язмалар китабында, күп кенә акыллы киңәшләр бирелгән. Изге Язмаларның үзендә: «Бар Язма Аллаһы тарафыннан рухландырылган»,— дип әйтелә (2 Тимутигә 3:16). Бу сүзләрнең дөреслеген күрсәтүче күп кенә дәлилләр бар. Аларның кайберләренә игътибар итегез:

•   Изге Язмаларда китерелгән тарихның төгәл түгел икәнен беркем дә исбатлый алмады.

•   Изге Язмаларны язуда катнашкан кешеләр намуслы һәм эчкерсез булган. Аларның барысын яшермичә язып бирүе язганнары хакыйкать икәнен күрсәтә.

•   Изге Язмаларның бер төп темасы бар: Аллаһының кешелек белән идарә итәргә хокукын раслау һәм күктәге Патшалык ярдәмендә аның ниятен үтәү.

•   Меңләгән еллар элек язылган булса да һәм шул заманнарда кешеләр фәнни яктан хаталы карашларда торса да, Изге Язмалар фәнни яктан төгәл.

•   Изге Язмаларда язылган пәйгамбәрлекләр үтәлгән. Моны тарихи документлар раслый.