SINGSING 106
Kisim Pasin Laikim
-
1. Ol gutpela pasin bilong God,
Yumi laik bihainim long oltaim.
Namel long ol dispela pasin
Pasin laikim em nambawan tru.
Gutpela save bai lus nating,
Sapos i no gat pasin laikim.
Yumi mas kisim pasin laikim,
Na God bai amamas long yumi.
-
2. Na tingim ol narapela man
Na soim pasin laikim long ol.
No save tingting nogut oltaim,
Lusim rong olsem Jisas i tok.
Pasin laikim i helpim yumi,
Long karim olgeta kain hevi.
So taim hevi i painim yumi;
Pasin laikim bai strongim yumi.
(Lukim tu Jon 21:17; 1 Kor. 13:13; Gal. 6:2.)