“Autim Gutnius”!
2024 Kibung Bilong Ol Witnes Bilong Jehova
Em fri • Mipela i no save singaut long mani
Ol Bikpela Tok Bilong Kibung
Fraide: Ol tok i kamap bai skelim ol samting i kamapim klia olsem ol tok i stap long ol Gutnius i stori stret long laip bilong Jisas. Kisim save long olsem wanem ol dispela stori bilong Baibel inap helpim yumi long nau.
Sarere: Baibel i tok profet long Jisas bai bon long wanem hap na wanem samting bai painim em taim em i pikinini? Olsem wanem? Ol dispela tok profet i bin kamap tru?
Sande: Long dispela tok em Baibel i as bilong en, “As na Yumi No Pret Long Ol Nius Nogut,” kisim save long ol risen planti milion manmeri long nau i no pret na bilip olsem i gat gutpela samting bai kamap bihain, maski ol samting long graun i wok long i go nogut moa.
Drama
Gutnius Bilong Jisas: Episod 1
Em i Lait Tru Bilong Graun
Jisas i bon long rot bilong wanpela mirakel, em wanpela bikpela samting i bin kamap, na bihain i gat planti narapela bikpela samting i kamap taim em i pikinini. Wanpela king nogut i painim em bilong kilim em i dai, na papamama bilong em i kisim em i go long Isip. Bihain, toktok bilong Jisas i mekim na ol bikpela tisa long taim bilong em i kirap nogut. Lukim ol dispela samting na ol narapela samting long vidio i gat tupela hap bai kamap long Fraide na Sarere.
Lukim ol dispela vidio i stori long kibung bilong dispela yia
Wanem Samting i Save Kamap Long Ol Kibung Bilong Mipela?
Painimaut wanem ol samting bai kamap long ol kibung bilong Ol Witnes Bilong Jehova.
2024 Kibung Bilong Ol Witnes Bilong Jehova: “Autim Gutnius”!
Lukim ol samting yumi bai kisim save long en long kibung bilong dispela yia.
Liklik Hap Bilong Drama: Gutnius Bilong Jisas
Planti i save olsem taim Jisas i bon em wanpela mirakel. Tasol wanem ol samting i kamap paslain na bihain long em i bon?