Buk Song 86:1-17
Beten bilong Devit.
86 O Jehova, putim yau long* mi na harim beten bilong mi,Long wanem, mi karim hevi na mi stap tarangu.+
2 Lukautim laip bilong mi, long wanem, mi save stap gut long yu.+
Seivim mi, wokman bilong yu, mi save trastim yu,Long wanem, yu God bilong mi.+
3 O Jehova, yu mas tingim mi,+Long wanem, mi save singaut long yu long olgeta de.+
4 O Jehova, yu mas mekim mi, wokman bilong yu i amamas,Long wanem, mi save go long yu tasol.
5 O Jehova, yu gutpela tru+ na yu save redi long fogivim ol sin bilong mipela;+Olgeta man i save singaut long yu, yu save soim gutpela pasin laikim* bilong yu long ol moa moa yet.+
6 O Jehova, putim yau long beten bilong mi;Na harim singaut bilong mi taim mi singaut long yu helpim mi.+
7 Taim mi karim pen na hevi, mi save singaut long yu,+Na mi save yu bai harim singaut bilong mi.+
8 O Jehova, i no gat wanpela god i olsem yu, yu winim ol,+Na i no gat wanpela inap mekim ol wok olsem bilong yu.+
9 O Jehova, olgeta lain manmeri yu bin wokim,Bai ol i kam na brukim skru long ai bilong yu,+Na ol bai litimapim nem bilong yu.+
10 Long wanem, yu gat bikpela strong na yu save mekim kain kain gutpela samting;+Yu wanpela tasol yu God.+
11 O Jehova, skulim mi long pasin yu laik mi bihainim.+
Na mi bai bihainim tok i tru bilong yu.+
Kirapim mi long rispek long nem bilong yu long bel olgeta.+
12 O Jehova God bilong mi, long bel olgeta mi givim biknem long yu,+Na oltaim bai mi givim glori long nem bilong yu,
13 Gutpela pasin laikim* yu mekim long mi i bikpela tru,Yu bin kisim bek mi na mi no go daun insait long Matmat.*+
14 O God, ol hambakman i laik bagarapim mi;+Na ol bikhetman i laik kilim mi i dai,Na ol i no tingim yu liklik.*+
15 Tasol yu, O Jehova, yu God i gat pasin marimari na pasin sori,*Na yu no save belhat kwik na yu save bihainim tok bilong yu* na gutpela pasin laikim* i pulap tru long yu.+
16 Yu mas kam bek long mi na soim olsem yu orait long mi.+
Givim strong long mi, wokman bilong yu,+Na kisim bek mi, pikinini man bilong wokmeri bilong yu.
17 Mi laik yu mekim samting bilong soim mi gutpela pasin bilong yu,Na bai ol man i no laikim mi, ol i lukim na dispela bai mekim ol i sem.
O Jehova, yu man bilong helpim mi na man bilong mekim isi bel bilong mi.
Ol Futnot
^ O, “Lindaun na putim yau long.”
^ O, “ol i no putim yu long ai bilong ol.”
^ O, “gutpela pasin.”
^ O, “na pasin i tru.”
