Manafike Ukraine ty Rosia
Tamy maraindray bey tamy 24 Fevrie 2022, le nanomboke nanafike Ukraine ty maramila i Rosia ndra tie fa mikezake ty tsy hisia o alio aza ty amy ty ankamaroa o firenenao. Ino ty va’e ho voka o aly iohoe magneran-tane? Nirehake ty António Guterres sekretera zeneraly ty Firenena Mikambagne, andro tsiampeampe zay tie: “Tena maro ty hijale naho ty raha ho simba voka o aly iohoe, sady mbe tsy hay ty ho voka’e amy ty ho tsy filaminagne a Eropa agne naho magneran-tane.”
Ino ty dika ty raha misy magneran-tane manahake io naho ty Baiboly ro henteagne?
Fa nirehake mialoha ty Jesosy Kristy tie mbe hoavy ty fotoagne ‘hialia ty firenena sambe firenena naho ty fanjakagne hialy amy ty fanjakagne.’ (Matio 24:7) Vakio ty lahatsoratse tihoe “Ino ty Famantaragne i ‘Andro Fara’ey’ ndra i ‘Fara Androy’?” mba hahatreava’o fa tanterake amo o andro feno aly zao i faminania i Jesosỳ.
Ty boke Apokalypsy le mampiseho o alio amy ty ndaty raike mitingitse “sovala mena hoe afo magnafake ty filaminagne an-tane etoy.” (Apokalypsy 6:4) Vakio ty lahatsoratse tihoe “Iza Ireo Mpitaingin-tsoavaly Efatra?” fa hotrea’o ao fa mifandrambe amo o aly amy izaò o faminaniagne iohoe.
Fa nirehafe ty boke i Daniela mialoha tie hifandrafe ty “mpanjaka i avaratse” naho ty “mpanjaka i atimo.” (Daniela 11:25-45) Henteo ty video tihoe Faminaniagne Nitanterake—Daniela Toko Faha-11 fa hotrea’o tie nagnino ro manondro i Rosia naho ze miarake ama’e i mpanjaka i avaratsey. a
Mirehake miomba ty “aly ty andro lahibey i Andrianagnahare Fara’e Maherỳ” ty boke Apokalypsy. (Apokalypsy 16:14, 16) Faie tsy aly amo o firenena sambe firenena treantikagne amy izaò io. Vakio ty lahatsoratse tihoe “Inona no Atao hoe Ady Hara-magedona?” naho te hahafantatse o raha hiseho amy ty hoavy io rehe.
Nagnino rehe ro afake mitamà tie ho soa ty fiaignagne amy ty hoavy?
Rehafe ty Baiboly fa ‘hataon’[Andrianagnahare] ty tsy hisia o alio sasa magneran-tane.” (Salamo 46:9) Vakio ty lahatsoratse tihoe “Mbola Hihatsara ve ny Fiainana Amin’ny hoavy?” mba hahafantara’o ty raha fanjaka amy ty hoavy ampitamaen’Andrianagnahare.
Nampianatse i mpanonjohy ty lia’e rey ty Jesosy mba hivavake ty hiavia i Fanjakàn’Andrianagnaharey. (Matio 6:9, 10) Fanjakagne an-dagnitse agne o fanjakagne iohoe sady hagnatanterake ty zoton’arofon’Andrianagnahare miomba ty tane toy naho ty hisia ty filaminagne magneran-tane. Henteo ty video tihoe Inogne o Fanjakàn’Andrianagnahare Zao? mba hahafantara’o ty fitahiagne ho ente o Fanjakagne io ho azo.
Misy Vavolombelo i Jehovah losotse ty 129 000 ty mitoboke a Ukraine agne. Manahake ty Vavolombelogne amy ty firenena hafa avao ka iareo, le tsy mizilike amo o politikeo sady tsy mandrambe anjara amy ty aly manahake i Jesosy. (Jaona 18:36) Magneran-tane, le mitory “ty talily soa i Fanjakagney” o Vavolombelo i Jehovah-o, satria io avao ro hahavoavaha ty olagne manjò o ndatio amy izao, agnisa izay ty aly. (Matio 24:14) Mandrisike azo zahay mba hifandrambe ama’ay, le hianatse ty raha ampitamae ty Baiboly.
a Naho te hahafantatse soa ty miomba o faminaniagne iohoe rehe, le henteo ty lahatsoratse tihoe “Ia Iaby ty Nanjare “Mpanjaka i Avaratse” amy ty Fotoa ty Fara’e?” naho tihoe ‘Ia “ty Mpanjaka i Avaratse” amy Hinane Zao?’