Tihlabelelo 31:1-24
Sicondziso lesiya kumcondzisi. Ingoma yaDavide.
31 Awu Jehova, ngikhosele kuwe.+
Ungangenti ngihlazeke.+
Ngisindzise ngobe ulungile.+
2 Ngicela ungilalele.*
Wota masinyane utengikhulula.+
Bani yintsaba lengikhosela kuyo,Ube yindzawo levikelekile kuze ungisindzise.+
3 Ngobe ulidvwala lami nendzawo yami levikelekile;+Wena utangihola futsi ungicondzise+ ngenca yelibito lakho.+
4 Utangikhulula elugibeni labangifihlele lona,+Ngobe uyindzawo yami levikelekile.+
5 Ngibeka umoya* wami esandleni sakho.+
Awu Jehova Nkulunkulu lowetsembekile,*+ wena ungikhululile.
6 Ngiyabenyanya labo labatinikele etithicweni letingenamsebenti,Kodvwa-ke mine ngetsembele kuJehova.
7 Ngitawujabula kakhulu ngenca yelutsandvo lwakho lolucotfo,Ngobe ukubonile kuhlupheka kwami;+Uyati kutsi ngicindzeteleke kakhulu.
8 Awukanginikeli esandleni sesitsa,Kodvwa ungimisa endzaweni lephephile.*
9 Awu Jehova, ngentele umusa ngobe ngicindzetelekile.
Buhlungu sebente emehlo ami aba butsakatsaka+ nawo wonkhe umtimba wami.+
10 Iminyaka yekuphila kwami igcwele lusizi+Kanye nekulila.+
Emandla ami asayaphela ngenca yekona kwami;Ematsambo ami abutsakatsaka.+
11 Ngedzelelwa ngito tonkhe titsa tami,+Ikakhulukati bomakhelwane bami.
Bangani bami sebayangesaba;Nabahlangana nami ngephandle bayangibalekela.+
12 Bangikhiphile etinhlitiyweni* tabo futsi bangikhohlwa, kwaba shengatsi ngifile;Ngifanana nembita lefile.
13 Setinyenti tintfo letimbi lengitivile;Sengihlale ngesaba.+
Bahlangana ndzawonye,Futsi bakha emacebo ekungibulala.+
14 Kodvwa ngetsembele kuwe Jehova.+
Ngitsi: “Wena unguNkulunkulu wami.”+
15 Emalanga ami asesandleni* sakho.
Ngisindzise etitseni tami nakulabo labangiphatsa kabi.+
16 Khombisa inceku yakho umusa.+
Ngisindzise ngenca yelutsandvo lwakho lolucotfo.
17 Awu Jehova, angingahlazeki nangikubita.+
Shengatsi labenta lokubi bangahlazeka;+Shengatsi bangathuliswa eThuneni.*+
18 Shengatsi bantfu labakhuluma emanga bangathula,+Labo lokutsi nabakhuluma ngebantfu labalungile bakhulume ngekutigcabha nangekwedzelela.
19 Buhle bakho bukhulu kakhulu!+
Ubugcinele labo labakwesabako,+Ubukhombise labo labakhosele kuwe, wabukhombisa embikwabo bonkhe bantfu.+
20 Utabafihla endzaweni yakho lesekusitsekeni+Baphephe emachingeni ebantfu;Utababhacisa endlini yakhoBavikeleke kubantfu lababetfukako.*+
21 Shengatsi Jehova angadvunyiswa,Ngobe ungikhombise lutsandvo lolucotfo+ ngendlela lemangalisako ngesikhatsi ngisedolobheni lelivinjetelwe.+
22 Mine ngetfuka ngase ngitsi:
“Ngitawushabalala embikwakho.”+Kodvwa wena wakuva kuncusa kwami nangikhala kuwe ngicela lusito.+
23 Mtsandzeni Jehova, nonkhe nine labacotfo kuye!+
Jehova uyabavikela labetsembekile,+Kodvwa umjezisa kamatima umuntfu lotigabatisako.+
24 Banini nesibindzi futsi nicine,+Nonkhe nine lenetsembele kuJehova.+
Imibhalo lengentansi
^ Nobe “Goba futsi ungilalele.”
^ Nobe “kuphila.”
^ Nobe “Nkulunkulu weliciniso; longumtfombo weliciniso.”
^ Nobe “endzaweni levulekile.”
^ Nobe “etingcondvweni.”
^ NgesiHebheru kutsi, “Tikhatsi tami tisesandleni.”
^ Nobe “eShiyoli,” lokusho lithuna lebantfu. Fundza Tinchazelo Temagama.
^ NgesiHebheru kutsi, “ekuhlaselweni ngemavi.”