PIKËPAMJA E BIBLËS
Shpirti
Fetë kanë mendime nga më të ndryshmet për shpirtin dhe se ç’ndodh me të pasi vdesim. Gjithsesi, Bibla jep një shpjegim të qartë.
A është i pavdekshëm shpirti?
ÇFARË THONË NJERËZIT:
Shumë besojnë se shpirti është i pavdekshëm. Disa besojnë se shpirti rilind vazhdimisht, duke u rishfaqur në një trup tjetër fizik pasi trupi i mëparshëm ka vdekur. Të tjerë besojnë se shpirti shkon në një botë tjetër, si për shembull në parajsë ose në ferr.
ÇFARË THOTË BIBLA:
Bibla nuk thotë se shpirti është i pavdekshëm. Në fakt, në të thuhet shpesh se shpirti vdes. Profeti Ezekiel, të cilin Perëndia e përdori për të shkruar një pjesë të Biblës, tha se shpirti mund të ndëshkohet me vdekje. Në një rast tjetër, Bibla përdor shprehjen ‘shpirt i vdekur’ për të përshkruar një kufomë. (Levitiku 21:11) Është e qartë, Bibla nuk mëson se shpirti është i pavdekshëm.
«Ai shpirt që mëkaton, do të vdesë.»
—Ezekieli 18:20.
A është shpirti pjesë e trupit?
ÇFARË THONË NJERËZIT:
Shpirti i jep jetë trupit gjatë kohës që dikush është gjallë, por, pas vdekjes, ai e lë trupin.
ÇFARË THOTË BIBLA:
Bibla përmend një nënë që ka lindur «gjashtëmbëdhjetë shpirt»
«Ajo i lindi . . . gjashtëmbëdhjetë shpirt.»
—Zanafilla 46:18.
Çfarë ndodh me shpirtin pas vdekjes?
ÇFARË THOTË BIBLA:
Ashtu siç është e sigurt që trupi tretet pas vdekjes, «nuk ka asnjë punë, as plan, as njohuri, as mençuri në Sheol [ose varr]». (Eklisiastiu 9:10) Shkrimet na thonë qartë se kur dikush vdes, «kthehet prapë në dhé. Po atë ditë marrin fund mendimet e tij». (Psalmi 146:4) Një shpirt i vdekur është në gjendje joaktive. Prandaj Shkrimet e përshkruajnë shpesh në kuptimin metaforik të vdekurin sikur «po fle».
PSE KA RËNDËSI:
Kur të vdesin njerëzit e shtrenjtë, ti dëshiron të dish përgjigjet e pyetjeve të tilla, si: ku janë? Në ç’gjendje janë? A po vuajnë? Bibla na siguron se të vdekurit nuk janë të vetëdijshëm për asgjë, prandaj ngushëllohemi duke ditur se njerëzit e dashur që na kanë vdekur, nuk po vuajnë më. Ngushëllohemi akoma më shumë kur dimë se Jehovai premton se në të ardhmen do t’i zgjojë shpirtrat e vdekur që janë të pavetëdijshëm e do t’u japë jetën.
«Të vdekurit s’janë të vetëdijshëm për asgjë.»
—Eklisiastiu 9:5.
Mund të të pëlqejë edhe . . .
KULLA E ROJËS
Gënjeshtra se Perëndia është mizor
Shumë besojnë se Perëndia i ndëshkon mëkatarët përjetësisht. A vepron me ligësi Perëndia? Çfarë ndodh me të vërtetë kur vdesim?
PËRGJIGJE PËR PYETJE RRETH BIBLËS
Çfarë është ringjallja?
Mund të habitesh kur të mësosh se kush do të ringjallet.
PËRGJIGJE PËR PYETJE RRETH BIBLËS
Çfarë është shpirti?
A është diçka brenda teje? A vazhdon të jetojë pasi ti vdes?
