MANNA GIWA AGURA DANDIINANNIHU HIITTOONNIITI?
4 | Maganu Kaaˈlonni Manna Giwa Agura Dandaatto
Qullaawu Maxaafi Rosiisannore:
“Ayyaanu laalo kayinni baxilleho, hagiirreho, keereho, cincate, shooshanqete, danchummate, ammanamate, joongilleho, meessanaa qeeˈlate.”—Galatiyu Sokka 5:22, 23.
Hatto Yaa Mayyaate?
Maganu kaaˈlonni manna giwa agura dandiineemmo. Maganunnihu qullaawu ayyaani uminkenni afiˈra dandiineemmokkiti dancha akatta heedhannonke gede kaaˈlannonke. Hakko daafira manna giwa agurate uminkenni sharramantenni, Maganu kaaˈlo addaxxa hasiissannonke. Hatto assinummoro ninkeno soqqamaasinchu Phaawuloosi yiinota yaa dandiineemmo. Isi, “Tini jawa wolqa Maganunnite ikkinnina ninketa [diˈˈikkitino]” yiino. (2 Qorontoosi 4:7) Addanko, “Kaaˈloˈya daggannohu . . . Kaaliiqiwiinniiti” yaa dandiineemmo.—Faarso 121:2.
Ati Maa Assa Dandaatto?
“Yihowa hanqe boolaqiˈreemmohu soorrame keere baxeemmoha ikkeemmo gede kaaˈlinoe.”—WAALDO
Yihowa qullaawa ayyaana aannohe gede seekkite huucciˈri. (Luqaasi 11:13) Isi baxanno gedee akatta heedhannohe gede kaaˈlahera huucciˈri. Qullaawu Maxaafi manna giwa aguratto gede kaaˈlitannohe akatta daafira mayyaannoro xiinxalli; kuri giddo gama baxilleho, keereho cincatenna meessaneeto qeeˈlate. Kuri akatta leellishatto faro hasiˈri. Qoleno togoo akatta heedhannonsa gede assiˈrate sharrantannoriwa aani. Togoo manni ‘Baxille afiˈratenna dancha looso loosate kaˈˈatto’ gede kaaˈlannohe.—Ibiraawoota 10:24.
Kurino Lai
QULLAAWU MAXAAFI XAˈMONNA DAWARO
Qullaawu Maxaafi Hanqu Daafira Mayyaanno?
Hanqa gara ikkitanno woyiti no? Hanqu lexxanni haˈranno woyite maa assa hasiissannonke?
