Βα, επειδή ο Ντεβέλ μανγκέλα τι γκιντίντιβεν ο τζενέ για τι ντεν λατρεία. Η Αγία Γραφή βακερέλα: «Τι σκεφτίνας ο εκ ι γιαβερές για τι βοηθίντιβας τι σικαβάς αγάπη ντα τι κεράς λατσσέ πράγματα, ντα μα τι τσσιναβάς τι τζας κο συναθροίσεις».—Εβραίους 10:24, 25.

 Ο Ιησούς σικαντάς ότι λέσκε μαθητές κα αβένας αντρέ εκχέ οργανωμέ ομαδάτε κάνα βακερντάς λένγκε: «Ανταλέσταρ κα αγαβέν σαρέ ότι ισινέν μο μαθητές, άμα τθερένα αγάπη ο εκ ι γιαβερέσκε». (Ιωάννης 13:35) Ο πιο σημαντικός τρόπος σο ο μαθητές ι Χριστόσκε κα σικαβένας ανταγιά αγάπη κα αβέλας κάνα κα κερένας παρέα πουμαρέ πφραλέντζαρ. Κα αβένας οργανωμέ κχανγκιρίντε σο οτθέ κα κερένας συναθροίσεις μπουτ φαρ για τι ντεν λατρεία. (1 Κορινθίους 16:19) Σαρέ ανταλά πφραλά κα αβένας εκ φαμιλί σαρί κι πφουβ.—1 Πέτρου 2:17.

Να ερεσέλα σάντε τι αβάς αντρέ εκχέ θρησκειάτε

 Ενώ η Αγία Γραφή σικαβέλα ότι ο τζενέ πρέπει τι τζαν κο συναθροίσεις για τι ντεν λατρεία ι Ντεβλές, να σικλιαρέλα ότι εκ τζενό κα κερέλ ι Ντεβλέσκο γκι σάντε άμα ισί αντρέ εκχέ θρησκειάτε. Για τι τθερέλ ι ευλογία ι Ντεβλέσκι, η θρησκεία εκχέ τζενέσκι πρέπει τι επηρεάνελ λέσκι ζωή κάθε ντιβές. Φιρειπείν, η Αγία Γραφή βακερέλα: «Η θρησκεία σο ισί πάκι ντα νανέ μελαλί κο γιακχά κι Ντεβλέσκε, αμαρέ Νταντέσκε, ισί ακαγιά: Τι φροντίνελ κάποιος ι ορφανόν ντα ι χηρέν σο νακχένα στεναχώριες ντα μα τι μουκχέλ ιτς ανταλέ ντουνιάς τι μελιαρέλ-λες».—Ιακώβου 1:27.