“Μουτθαβέν ο Λατσσέ Αμπέρια!”
Συνέλευση σο Κερένα ο Μάρτυρες ι Ιεχωβάσκε 2024
Μπορίνενα τι αβέν χωρίς τι ποκινέν
Ο Πρόγραμμας κα Τθερέλ
Παρασκευή: Ντικχέν σαρ ισινάμ σίγουροι ότι ο λατσσέ αμπέρια σο τθερένα τι κερέν ι Ιησούσαρ, ντα ισί κο Ευαγγέλια, βακερένα ακριβώς σαρ ισινέ λέσκι ζωή. Σικλιόν σαρ ανταλά ιστορίες κατά Γραφή μπορίνενα τι βοηθίνεν-αμέν αντιβές.
Σάββατος: Σο βακερντέ ο προφητείες για το μπιανιπέ ι Ιησούσκο ντα ι μπρεσένγκε σο ισινέ χουρντό; Νικίστιλε μπαγιά ανταλά προφητείες;
Κυριακή: Κι ομιλία κατά Γραφή «Σόσκε να Νταράσα Κατά Μπέτι Αμπέρια», σικλιόν σόσκε εκατομμύρια τζενέ αντιβές νιωθίνενα αρακχαντέ, παρόλο σο ο πράγματα κο ντουνιάς αβένα πο μπέτι.
Σιναμάς
Η Ζωή ντα ο Έργος ι Ιησούσκο: Επεισόδιος 1
Ο Αληθινός Φως ι Ντουνιάσκο
Ο Ιησούς μπιάντιλο εκχέ θαυμάσαρ. Ανταβά ισινέ σάντε εκ κατά μπαρέ πράγματα σο αβιλέ-πες κάνα ισινέ χουρντό. Εκ βασιλιάς μανγκέλας τι μουνταρέλ-λες, οτθάρ λέσκο ντατ ντα λέσκι ντάι λιντέ-λες κι Αίγυπτος για τι σώνεν-λες. Σοράν, μερικοί κατά πο μπαρέ δάσκαλοι οντουλέ ντιβεσέντε ατσσιλέ πουταρντέ μόσαρ λέσταρ. Ντικχέν κο σιναμάς ανταλά ντα γιαβερά πράγματα σο αβιλέ αζομάν. Παρασκευή κα ντικχάς ο εκ μέρος ντα Σάββατος ο γιαβέρ μέρος.
Ντικχέν ανταλά βίντεα σο τθερένα τι κερέν με τη συνέλευση ανταβά μπρες
Σο Αβέλα-πες Αμαρέ Συνελευσιέντε;
Ντικχέν σο αβέλα-πες σε εκ συνέλευση ι Ιεχωβάσκε Μαρτυρένγκι.
Συνέλευση σο Κερένα ο Μάρτυρες ι Ιεχωβάσκε κο 2024: “Μουτθαβέν ο Λατσσέ Αμπέρια!”
Ντικχέν σο κα σικλιάς κι συνέλευση ανταβά μπρες.
Σο κα Σικαβέλ ο Σιναμάς: Η Ζωή ντα ο Έργος ι Ιησούσκο
Μπουτ τζενέ τζανένα ότι ο Ιησούς μπιάντιλο εκχέ θαυμάσαρ. Αλλά σο αβιλό-πες πο τζανγκλέ ντα πο σοράν ανταλέ μπουτ εντυπωσιακέ πραγμάσταρ;