Όχι. Η Αγία Γραφή σικαβέλα ότι πρέπει τι προσευχίντιβας σάντε κο Ντεβέλ, κο ναβ κι Ιησούσκο. Ο Ιησούς βακερντάς πι μαθητέντε κάστε έπρεπε τι προσευχίντιβεν: «Ντάντε σο ισινάν κο ουρανός, τι αγιάντιβελ το ναβ». (Ματθαίος 6:9) Ποτές να βακερντάς λένγκε τι προσευχίντιβεν κο άγιοι, κο άγγελοι ή κάπου γιαβερτθέ εκτός κατά Ντεβέλ.

 Επίσης, ο Ιησούς βακερντάς πι μαθητένγκε: «Με ισινόμ ο ντρομ ντα η αλήθεια ντα η ζωή. Καέκ τζενό να αβέλα κο Ντατ άμα να αβέλα αντράλ μάνταρ». (Ιωάννης 14:6) Ο Ντεβέλ ντινάς σάντε κο Ιησούς ο δικαίωμας τι αβέλ σαρ μεσολαβητής αμένγκε, δηλαδή τι κεράς αμαρέ προσευχές αντράλ λέσταρ.—Εβραίους 7:25.

Μπορίνασα τι προσευχίντιβας εμ κο Ντεβέλ εμ κο άγιοι;

 Σε εκ τανί κατά Ντες Εντολές ο Ντεβέλ βακερντάς: «Με, ο Ιεχωβά το Ντεβέλ, ισινόμ Ντεβέλ σο μανγκάβα τι αβές αφοσιωμέ σάντε μάντε». (Έξοδος 20:5) Σο μανγκέλα τι βακερέλ ανταβά; Ο Ντεβέλ μανγκέλα τι ντας λατρεία σάντε λέστε εμ αντράλ κατά προσευχή.—Ησαΐας 48:11.

 Προσβαλίνασα ι Ντεβλές άμα προσευχίντιβασα γιαβερέντε εκτός λέσταρ, ατζέ-ντα κο άγιοι ή κο άγγελοι. Κάνα ο απόστολος Ιωάννης μανγκλάς τι προσκυνίνελ εκχέ αγγελός, βοβ τσσιναντάς-λες ντα βακερντάς λέσκε: «Προσόχινε! Μα κερ-λες ανταβά! Με-ντα ισινόμ εκ υπηρέτης σαρ τούτε ντα σαρ τι πφραλέντε σο κερένα λάφι ι Ιησούσκε. Κο Ντεβέλ ντε λατρεία!»—Αποκάλυψη 19:10.