Cai articulopica jw.org paginapica predicangapaj ishcai importante ayudacunamandami parlajurca. Pundapica videocunamanda shinallata publicaciongunata digitalmente cachanamandami parlajun. Catipica mundo enteropi testigo de Jehovacuna ima pasajujta yachachunmi cai paginaca ayudashca. Shinallata cai partepica jw.org paginaca mundo enteropi testigo de Jehovacunata predicachun imashina ayudashcatami ricuchijun.

Idiomacuna: Agosto del 2012 huatapi jw.org página callarishcapica shuj mushuj diseñohuan cai paginapica 139 idiomacunapimi tiarca. Agosto del 2014 huatapica jw.org paginamanda parlaj tratadohuan campañata rurajuj tiempopica cai página 500 yali idiomacunapimi ña tiarca. Cai paginacunapica 22 idiomas de señascunapashmi carca. Cunan tiempopica más de 1070 idiomacunapimi tian. Cai cantidadpica más de 100 idiomas de señaspashmi can.

Minishtirishca tiempopipacha publicacionguna: Octubre de 2019 huatapica jw.org callari paginataca ashtahuanmi diseñocunata mejorarca. Caita rurashpaca predicacionbi ashtahuan ayudachunmi shina rurarca. ¿Imashinata rurarca? Chaipaca tema principalhuan shinallata gentecuna ricuchunmi shuj imagendapash churashca carca chaipa catica quimsa articulocunatapash liichunmi churashca carca. Tiempo jipaca cai callari página jw.org mundo enteropi cada punlla imalla pasajushcata gentecuna yachachunmi departamento de Arte y Redacción shuj proceso rurarca, shinami mushuj temacunatapash imagengunatapash jaicata rurai usharca. Por ejemplo pandemia COVID-19​manda Rusia y Ucrania llactacunapi macanajuimanda refugiado ashtahuan mirashcamandami cai paginapica ashtahuan parlashpa catirca.

Internetpi ashtahuan yachachun: Jw.org paginaman yaicushpami gentecunaca ashtahuan testigo de Jehovacunamanda ñucanchi organizacionmanda shinallata imata ruranchi ashtahuan yachangapaj munashpaca cai paginaman yaicushpami cabal informacionda tari ushan. Shinallata Bibliamanda ñucanchihuan yachajungapaj munashpaca contactarichunbashmi ayudan. Por ejemplo shuj sorda huarmica joven cashpallatami Bibliata estudiai callarirca. Shinapash shuj llactapimi causangapaj rina tucurca. Chai jipaca Testigocunahuanga ñana contactari usharcachu. Paica Bibliata yachajushpa catingapami munarca. Shinapash ni shuj publicadorhuan na tuparircachu. Chaimi cai jw.org paginapi shuj formulariota jundachishpa visitachun tiashcata yarishpami jundachirca. Chai punllacuna jipallami ishcai precursores especiales visitarca. Chaimi cutin Bibliata yachajui callarirca. Tandanajuicunamanbash ri callarirca. Cunanga ñami bautizarishca. Shinallata paipa 3 churicunamanbashmi Jehová Diosmanda yachachijun. Paniguca ninmi: “Cai página jw.orgmanda Jehová Diosta ninandami agradicini. Cai formulariota na jundachishpaca shuj Testigo visitangacamanmi shuyana tucuiman carcani”.

Ninanda cushijushcami canchi predicación obra ñaupaman catijushcata yachashpa. Shinallata Jehová Diospa organización shuj shuj herramientacunata gentecunaman ashtahuan ashtahuan predicashpa catichun cushpa catijushcamandapash (Isaías 60:22).

• Cada quillami videocuna descargarin.

• Cada punllami cai paginata gentecuna visitan.

• jw.org paginapa logo oficialca marzo de 2013​pimi llujshirca.

• Cai paginaca lenguaje de señaspipashmi julio de 2014​pi llujshirca.

• Cai paginata gentecuna ashtahuan ricunayachichunmi octubre de 2019​mandaca shuj mushuj diseñota chari callarin.

• Cushilla para siempre causashunchi libromi enero de 2021​pica llujshirca.