28 DE DICIEMBRE DE 2022
SHUJ SHUJ LLACTAMANDA NOTICIACUNA
JW.ORG paginaca 10 huatacunatami cumplijun | Parte 1
Internetpica Bibliata ali yachajungapaj publicacionguna y videocunami tian.
Shuj informepica, testigo de Jehovacuna shuj página de internetta charishcataca 2022pi ña 25 huatacunata cumplishcatami villarca. Pero 10 huatacuna huashaman, 27 de agosto de 2012pimi shuj mushuj diseñohuan jw.org paginaca tiai callarirca. Cai página ashtaca millón gentecunata alipacha beneficiajta ricuchij quimsa informecunamandaca, caimi primera parte can.
Videocuna: 2012 huatapi tiashca asambleapica Jehová Diospa amigo tucupai nishca ishcai videocunami llujshirca. Chaitaca DVD o dividi nishcapi ricuchunmi llujshirca. Pero gentecunaca ñana pundashna DVD o dividitaca utilizanllu carca. Y ashtahuangarin dividipi ricungapaj cidita ruranaca ashtahuan valishcami carca. Chaimi cunanga ¿imatata rurashun? yashpa pensarinajurcanchi. Shinapash chai huatapillatami ashtahuan videocunata ricuchingapaj munashpa 2013 huatapi, enero quillapillata Jehová Diospa amigo tucupai nishca partepi cai video llujshirca: Maipi cashpapash Jehovata mañani nishca video. Chai huatamandapacha cunangamanga Jehová Diospa amigo tucupai nishca partepica más de 40 videocunami tian.
Chai huatapillatami ¿Imamandata Bibliata yachajuna capanchi? nishca videoca jw.org paginapica llujshirca. Chai videoca Kit de enseñanza nishcapi o Bibliamanda yachachingapaj publicacionguna nishca partepimi can. Y predicacionbipash ninandami chai videoca ayudashca. Chai huatamandapachami jw.org paginapi tiashca videocunata ricuchishpa predicanajupashcanchi. Por ejemplo, agosto de 2014pica, gentecuna jw.org paginaman yaicushpa videocunata ricuchunga shuj campañami tiarca. Y chai campaña tiashcamandaca más o menos 15 millón videocunatami gentecunaca descargashcarca.
jw.org página tiachun ayudashca shuj huauquica cashnami nirca: “Ashtaca gentecunaman videocunata ricuchingapaj cai jw.org página cunan punllacunapi ninandapacha ayudanataca yaitallapash na yashcarcanchichu. Shinallata Jehová Dios tucuita alipa rurachun saquishcata ricushpami, cunanga ñucanchi fepash ashtahuan shinlliyashca” nircami. Por ejemplo, JW Broadcasting programaca octubre de 2014tami llujshirca. Y chai quillapica más de 37 millones de videocunatami gentecunaca descargashcarca. Ashtahuangarin 2020pi Covid-19 pandemia tiajpicarin ashtaca gentecunami jw.org paginapi videocunata ricurca y descargarcapash. 2022 huatapicarin, quillapimi 260 millón videocunata gentecunaca descargarca.
Publicacionguna: Cai último huatacunapica ashtaca gentecunaca imagutapash liingapaj munashpaca librocunata o imapash papelcunapi liinataca saquishcami. Y chaipa randica internetta utilizashpami celularcunapi o computadoracunapi liinataca gushtan. 2012pi jw.org página tiashcamandapachami imprimishca publicacionguna nara tiajpillata, internetpica ña liita usharin. Shinallata jw.org paginapi liingapaj publicaciongunata churanami, 2013 huatapi JW Library aplicación tiachunbash ayudarca. Tanto jw.org página y JW Library aplicacionbash liingapaj y estudiangapaca alipachami can.
Asamblea Regional nishcacunapi llujshishca publicaciongunaca ni jw.org paginapipash, ni JW Library aplicacionbipash na llujshinllu carca. Chai publicaciongunata ricungapaca shamuj huatapi enero quillapimi ricuita usharin carca. Pero, 2015pica asambleapi ricuchishca publicaciongunataca internetpi cunanllata descargaita ushapanguichimi nishpami villarca. Chaica alipachami carca. Porque chai huatapimi, Jesús: el camino, la verdad y la vida nishca libro y Jehová desea que vuelva nishca folletopash llujshirca. Y shinallata, Ciertopacha juyaica ¿imashinata can? nishca videopash llujshirca. Ñacutin 2016pi JW Broadcasting programapica, Cuerpo Gobernantepi sirvij Anthony Morris huauquimi, Jovengunapa 10 tapuicuna nishca folleto llujshishcataca villarca. Shinallata ñami internetpipash descargaita ushapanguichi nishpa villarca. Y primera vezmi shuj publicacionga mundo enteropi chai ratopillata igual llujshirca.
Jehová Diospa organizacionga siempremi tecnologiataca Jehová Diospa Gobiernomanda yachachingapaj y “micuna horaspi micunaguta” caraj cuenda espiritual micunaguta carangapaj utilizashca (Mat. 24:45). Y chaipaca jw.org paginaca ninandami ayudashca.
Cada quillami videocunata descargashcaca ricurin
Cada quillami gentecunaca jw.org paginata ricungapa yaicushcata ricurin
Maipi cashpapash Jehovata mañani nishca videoca enero de 2013pimi llujshirca
JW Library aplicacionga octubre de 2013pimi tiai callarirca
Mundo enteropi jw.org paginata ricuchun animaj tratadoca agosto de 2014pimi llujshirca
JW Broadcasting programaca octubre de 2014tami tiai callarirca
Mayo de 2015pimi asamblea regionalpi ricuchishca publicaciongunataca internetpipash ricuita ushanguichimi nishpa villarca
Mayo de 2016pimi primera vez shuj folletoca mundo enteropi igual presentarin. Chaica Jovengunapa 10 tapuicuna nishca folletomi carca