Cai mundopi llaquicuna tiajtaca ¿Taita Diosca ricujunllu?

Cai idiomapi uyangapaj o ricungapaj

Huaquin gentecunaca yuyanmi, Taita Diosca na preocuparishpa ricujunllu nishpa

BIBLIAPICA NINMI:

Taita Diosca preocuparishpami ricujun nishpa

Génesis 6:5, 6pica ninmi: ‘Cai pachapi causaj runacunataca, ashtaca jatun nalicunata ruranajujtami Mandaj Diosca ricurca’. Chaimi “paipaj shungupipash nanachinshna llaquirirca” nishpa.
Tucui llaquicunataca Taita Diosmi tucuchinga nishpa

Salmo 37:10, 11pica ninmi: “Cunanmanda asha punlla jipaca, nali runaca illangami. Pai tiajushca pushtuta can ricujpica, chaipica illangami. Ashtahuangarin na jariyajcunami, [Alpataca] japinga. Casilla ali causaihuanmi, ninanda cushijunajunga” nishpa.
¿Quiquin imashina causachunda Taita Diosca munan?

Jeremías 29:11, 12pica ninmi: “‘Cangunaman ñuca imatalla ruranata yarijushcataca, ñucami yachani. Casilla ali causaita caranatami yarijuni, llaquicunataca na cachashachu. Canguna shuyanajushcatami caragrini’ ninmi Mandaj Diosca. ‘Shina rurajpimi, ñucata mañanguichi. Ñucapajman shamushpa mañajtaca, ñucapash uyajushami’” nishpa.

Santiago 4:8pica ninmi: “Taita Diospajman quimirichi. Shina quimirijpica, paipash cangunapajman quimiringami” nishpa.

Cai temacunata ashtahuan liipai

SHUJ SHUJ TEMACUNA

Familiamanda, amigocunamanda pipash huañujpica llaquillapachami can

Quiquinba familiamanda pipash huañujpica quiquin imashina sintirijushcataca pipash na intindinllu nishpami pensarita ushapangui. Quiquin imashina sintirijtaca Taita Diosca alimi intindipan chaimi ayudaitapash ushapan.