“Taita Diosca na ricujunllu yarin”
“SIEMPREMI PENSARINCHI: TAITA DIOSCA NA RICUJUNLLU YARIN NISHPA” (Auschwitz-Polonia llactapi millón yali gentecuna huañuchi tucushcata ricushpami papa Benedicto XVIca shina nirca).
¿IMAPASH LLAQUITA RICUSHPACHU QUIQUINBASH SHINA PENSAPASHCANGUI? ¿IMAPASH JATUN LLAQUITA CHARIMANDACHU PENSAPASHCANGUI TAITA DIOSCA NA RICUHUANLLU NISHPA?
Estados Unidosmanda Sheilaca, tauca llaquicunatami paipa familiapi charirca. Taita Diosca paicunata na imapipash ayudajunshnallami carca. Chaimandami paica nirca: “Tucuita Ruraj Taita Diospi crij familiapi viñashpapash, Taita Diostaca na juyanllu carcani. Taita Dios ñucata juyajtaca na sintinllu carcani. Ñucata ricui ushashpapash, ñucapi preocuparishcataca na crircanichu” nishpa.
¿Nachu huaquinbica, Tucui Ushaita Charij Taita Diospi crishpapash quiquinbash pensapashcangui, Taita Diosca na ñucata ricujuhuanllu nishpa? Punda tiempocunapica, Job nishca runagupashmi, Taita Dios tucui ushaita charijta, ali yachaita charijta crirca. Shinapash, tauca llaquicunata charimandami Taita Diostaca nirca: “¿Imashpata cambaj ñavita pacashpa, canda fiñaj runatashna ricuhuangui?” nishpa (Job 2:3; 9:4; 13:24).
Shinapash ¿imatata Bibliapica yachachin? ¿Taita Diospa culpamandachu llaquicunaca tian? ¿Tucui gentecunapipash, cada unopipashchu Taita Diosca preocuparin? Cada unota ricujujta, intindijta, problemacunapi ayudajtaca ¿imashinata yachai ushapanchi?
Cati temacunapimi, ñucanchita juyaimanda Taita Dios ñucanchita imashina rurashcatapash, Biblia imata nijtapash yachajupashun (Romanos 1:20). Quiquinda ruraj Taita Diosta ashtahuan ali rijsishpaca, quiquinda pai juyajtaca seguromi caita ushapangui (1 Juan 2:3; 1 Pedro 5:7).
Cai temacunata ashtahuan liipai
VILLAJUN REVISTA
¿Taita Diosca quiquinda ricujunllu?
¿Imashinata yachaita ushapangui Taita Diosca quiquinbi preocuparijta?
